NEHEMIA 5:7 - BALA LUK DO'

⁷ pad ui nengayud nelun rayeh-rayeh, kebalaku, “Muyuh ngedereh kinanak-kinanak muyuh!” Idi ui nengamung nelun mula', pad kai miak mutut ratnan susa' ini,

NEHEMIA 5:7 Iomraidhean Croise

NANI UBUR 109:11

Do' lemulun luk inan baleh neneh ngalap amung binawehneh, idi lun sakai ngalap amung luk dinugneh.

NANI UBUR 15:1

Tuhan, idéké miak mudeng bang ruma'Mu? Idéké miak tudo luun Sion, pegkungMu luk meligan?

NANI UBUR 15:5

Ieh maré usinneh kebiten dengan na ngalap uli'neh, idi na ieh ngalap suap idi ngadu' lemulun luk na mesala'. Lemulun luk nganau' kudeng ini miak ngalap tueh.

NANI UBUR 27:8

KebalaMu, “Amé' Negku.” Idi ui sikal amé' Namu, O Tuhan;

NANI UBUR 4:4

Kudeng muyuh museh, aleg nganau' sala'; do' ngerawé ratnan ini, buleng-buleng bang takep muyuh.

NANI UBUR 94:16

Idéké ngedengan negku, kareb ui sikal metueh ratnan lemulun luk dat, idi lemulun luk nganau' luk dat?

PURA' 22:24

Idi Ui museh, pad Ui ngaté nemuyuh bang bunu', idi awan muyuh mangun ku tinula', idi anak muyuh mangun ku anak maté.

PURA' 22:25

“Kudeng iko maré usin kebiten lun pupuKu luk masi', aleg iko mupud ineh dengan mesaad. Idi aleg ngalap bunga'neh teh.

BALE' 27:5

Meluun do' mada' lemulun dengan megala', ratnan ngalum éi'mu neneh.

BALE' 28:4

Kudeng iko na ngerawé ukum, iko perurum nelun luk dat, iamo' kudeng iko maya' ukum, iko metueh rat nelun luk dat.

YEHISKIEL 22:12

Sebuang pupumu ngaté lemulun pad ngalap usin. Sebuangdeh maré usin kebiten lun Israil pad ideh ngalap utung luk rayeh. Ideh nekelupan Negku.” Tuhan Allah pangeh nepebala.

YEHISKIEL 45:9

Kebala Tuhan Allah, “Muyuh pelaba io nganau' sala', O muyuh lun luk ngimet bawang Israil. Do' muyuh ugka' ngedereh idi ngaté lemulun. Nganau' luk matu idi luk mesiri. Aleg ngusu pupuKu ratnan tana'deh. Kudeng ini bala Tuhan Allah.

UKUM 19:15

“Aleg mutut besara' dengan na mesiri, idi aleg ngerurum nelun dat idi lun do' kareb iko mutut besara'deh. Iamo' do' iko mutut besara' lun denganmu dengan mepad.

UKUM 25:36

Idi aleg iko ngalap rat neneh bunga' usin idi elaneh teh, iamo' do' iko matot inan Allahmu pad kinanakmu pana' lutep denganmu.

MATIUS 18:17

Kudeng ieh ara' ninger nedeh, do' iko mada' kuan lun sidang; idi kudeng ieh ara' ninger lun sidang teh, nima' neneh mangun mepad kudeng lun pupu baken idi mepad kudeng lemulun luk ngamung usin pupuk.

2 KORINTUS 5:16

Ngaceku ineh, rat pad sini na kai ngesala' seburur pana' maya' ayu lemulun. Sagan pana' kai pangeh ngiti Keristus maya' ayu lemulun, iamo' nekini na kai ngiti Neneh mepad kudeng ineh teh.

GALATIA 2:11

Iamo' kareb Pétrus nacing déi' Antiokia, idi ui nengayud neneh pa kiung lun mula', ngaceku megala' lawéneh sala'.

1 TIMOTIUS 5:20

Idi lemulun luk megéi' nganau' sala', do' iko mada' nedeh pa kiung amung-amung lemulun, pad lun baken miak matot.

TITUS 2:15

Maré kali' ratnan amung-amung bala ini, mada' idi mebpeng dengan petap tueh. Aleg iko uen lemulun ngebeneh.