NEHEMIA 5:2 - BALA LUK DO'

² Idi kebala sebuangdeh, “Mula' kai bang tetek ruma' kai. Na kai miak mulun kudeng na petap padé'.”

NEHEMIA 5:2 Iomraidhean Croise

PUDUT 41:57

Lemulun iné' déi Masir ratnan anid-anid bawang, pad melih akan rat ni Yusup ngaceku iru' ineh pelaba rayeh aput tana'.

PUDUT 42:2

Ui pangeh neninger bala' déi' Masir inan akan. Do' muyuh amé' mulé kuan tau pad tau na maté.”

PUDUT 43:8

Idi kebala Yahuda nan tamanneh, “Do' maré anak ini maya' negku, idi kai sikal nalan, pelé amung tau na maté.

PUDUT 47:19

Aleg nima' nekai maté. Do' ngedengan nekai, pad tana' kai na uen nuso. Do' melih burur kai idi tana' kai mangun ku libal akan luk kuan kai, pad kai mangun ku demulun raca', idi tana' kai kuanneh. Do' iko maré pimara kuan kai pad kai miak mulun, idi tana' kai na mesuso.”

RACA'-RACA' LUK KEDUEH 4:1

Inan seburur decur tinula' luk awan seburur anak sekola' nabi ineh. Idi ieh iné' ni Elisa, kebalaneh, “O nabi, awanku pangeh naté. Idi iko teh kali' neneh mepicet maya' Tuhan. Idi nekini lun luk inanneh nepebaleh pangeh nacing sikal ngalap dueh anakku luk deléi ku lun dukenneh.”

NEHEMIA 5:3

Idi kebala lun baken, “Kai pangeh nemaré lati', kabun anggur, idi ruma' kai ku duduk, pad kai ngalap padé idi na maté.”

HAGAI 1:6

Muyuh pangeh nenibu mula' padé, iamo' sesuut mo' luk piranih. Muyuh inan akan sen, iamo' na ieh miak kenen muyuh macing mebor. Muyuh inan abpa' anggur. Iamo' na muyuh miak mabuk ku ineh. Muyuh inan ayung, iamo' ineh na petap ku ayung muyuh. Idi tabpar lun luk ngakem na petap.

MALAKI 2:2

Do' muyuh ngedita' Negku dengan lu ruen muyuh. Kudeng muyuh na ninger balaKu, idi ngimet neneh do'-do', Ui miak ngacing kediman kuan muyuh. Peruan muyuh luk rat Negku mangun ku kediman kuan muyuh. Setuneh Ui pangeh nengediman peruan ineh, ngaceku muyuh na ngimet ukumKu do'-do'.

BADA' RATNAN UKUM 23:19

“Idi na iko miak ngalap bunga' ratnan kinanakmu, do' ieh bunga' usin, do' ieh bunga' akan, idi anun-anun luk miak inan ngalap bunga'.