NEHEMIA 5:16 - BALA LUK DO'

¹⁶ Ui mekél dengan amung tuehku mudut libung ineh. Idi na ui nengalap sesuut tana' pana'. Amung-amung lun dukenku peruyung mudut denganku.

NEHEMIA 5:16 Iomraidhean Croise

NEHEMIA 5:15

Pengulu-pengulu luk ngimet atun rat negku mangun ku aceh babeh luk meberat kuan lun mula' ngaceku ideh nemutuh apat ngepulu' balad pirak seaco ku melihdeh akan idi abpa' anggur. Demulundeh pana' nengedereh nelun mula'. Iamo' na ui nenganau' kudeng ineh, ngaceku ui matot inan Allah.

NEHEMIA 5:17

Ui megéi' maré akan kuan meratu limeh ngepulu' lun Yahudi idi lun rayeh-rayehdeh, dengan amung lemulun luk iné' negku rat bawang luk libut-libut Yerusalim.

IAP 16:15

Idi Musa pelaba useh. Idi kebalaneh inan Tuhan, “Aleg Iko ngalap luk baréndeh ineh, ngaceku sebuleng keladai pana' nateh luk ilapku rat nedeh. Idi sebururdeh pana' nateh luk piderehku.”

LUKAS 8:15

Iamo' luk nebpeh luun tana' luk do' ineh, ieh ineh lemulun luk pangeh neninger bala ineh, idi nengimet meraben bang niat luk mesiri idi do', idi ngeruat bua' dengan mulai niat.

SURAT LUK BIRE PAULUS KUAN LUN RUM 2:7

Allah miak maré ulun luk meruked kuan lemulun luk megéi' nganau' luk do' idi luk nakap rayeh dengan ubur idi ulun luk na miak melu.

1 KORINTUS 15:58

Ngaceku ineh, O kinanak-kinanakku luk inanku mawa, do' muyuh lutep dengan na sigio, idi megéi' bang kekamen Tuhan, ngaceku muyuh kali' idi kél muyuh na mo'-mo' bang Tuhan.

GALATIA 6:9

Aleg tau musam nganau' luk do', ngaceku inan karebneh tau ngeranih, kudeng tau tuman.