NEHEMIA 5:15 - BALA LUK DO'

¹⁵ Pengulu-pengulu luk ngimet atun rat negku mangun ku aceh babeh luk meberat kuan lun mula' ngaceku ideh nemutuh apat ngepulu' balad pirak seaco ku melihdeh akan idi abpa' anggur. Demulundeh pana' nengedereh nelun mula'. Iamo' na ui nenganau' kudeng ineh, ngaceku ui matot inan Allah.

NEHEMIA 5:15 Iomraidhean Croise

PUDUT 20:11

Idi kebala Ibrahim, “Ngaceku bang terawéku, dengan matu-matu lun bang bawang ini na matot inan Allah, kali' rungen ideh ngaté negku ngaceku ratnan awanku ini.

PUDUT 42:18

Bang aco luk keteluh kebala Yusup nedeh, “Ui ini matot inan Allah, idi muyuh miak mulun kudeng muyuh nganau' kudeng ini:

NEHEMIA 5:16

Ui mekél dengan amung tuehku mudut libung ineh. Idi na ui nengalap sesuut tana' pana'. Amung-amung lun dukenku peruyung mudut denganku.

NEHEMIA 5:9

Idi kebalaku teh, “Sala' luk ruen muyuh ineh! Petulu muyuh matot inan Allah idi nganau' luk matu, pad bunu' tau lun pupu baken na miak situnga netau.

AYUB 31:23

Na tu ui miak nganau' luk kudeng ineh ngaceku ui matot ku ukum Allah.

NANI UBUR 112:1

Ngubur Tuhan! Samal kuan lemulun luk ngerayeh Tuhan, idi luk mawang niat maya' ukumNeh.

NANI UBUR 147:11

iamo' Ieh mawang niat nelun luk ngerayeh Neneh, idi luk merapet nan awaNeh luk lutep.

BALE' 16:6

Do' iko méi' nelun idi lutep maya' jani', idi Allah maré do' ratnan sala' mu. Do' iko matot inan Tuhan, idi luk dat na miak macing namu.

BALE' 29:12

Kudeng lun luk ngimet ninger luk mebalih, amung lun luk pa liangneh mangun ku lun mebalih.

YESAYA 50:10

O lun muyuh luk matot nan Tuhan, idi luk maya' bala DemulunNeh — Kareb muyuh maya' dalan luk medacem, do' manu inan Tuhan idi merapet inan Allah muyuh.

YEREMIA 32:9

Idi ui nemelih tana' Hanamel ineh idi nenimang usin kuanneh. Idi raga tana' ineh pulu' tudu' balad pirak.

TIDO YEREMIA 5:8

Kai bang imet lemulun luk mepad kudeng demulun, idi kai na miak puatin ratnan imetdeh.

MATIUS 5:47

Idi kudeng muyuh maré tabi' kuan kinanak-kinanak muyuh mo' sebuleng, do'ké kekamen muyuh rat nelun baken? Lun na manu pana' nganau' luk kudeng ineh teh.

2 KORINTUS 11:9

Idi kareb ui netudo dengan muyuh bang asi', na ui mangun ku babeh kuan seburur pana', ngaceku kinanak-kinanak luk macing rat Makedonia nemaré petap kuanku. Kareb idi ui na sikal mangun ku babeh kuan muyuh, idi kudeng ineh teh muci.

2 KORINTUS 12:13

Idanké ui mekurang ngerawé nemuyuh ratnan sidang baken, kareb ui na mutuh anun-anun rat nemuyuhké? Ui mutuh do' nemuyuh ratnan sala' ini!

SEMUIL LUK PUN-PUN 8:15

Idi babpat pulu' ratnan padé muyuh idi bua' anggur muyuh miak lapenneh kuan amung lun rayehneh idi lun dukenneh luk baken.