NEHEMIA 5:10 - BALA LUK DO'

¹⁰ Ui nenima' nelun mula' ngabit usin idi padé pana' rat negku. Idi kudeng ineh teh lun rurumku idi lun dukenku. Idi rat pad sini do' tau na mupud baleh.

NEHEMIA 5:10 Iomraidhean Croise

NEHEMIA 10:32

Anid-anid lak kai miak maré aceh balad pirak luk isuut ku ngedengan kekamen Ruma' Allah.

NEHEMIA 5:11

Idi do' tau maré lemubed lati', kabun anggur, kabung saitun, idi teh ruma'deh. Do' ngagka' balehdeh nemuyuh — usin, padé, abpa' anggur, idi umau pana'.”

NEHEMIA 5:7

pad ui nengayud nelun rayeh-rayeh, kebalaku, “Muyuh ngedereh kinanak-kinanak muyuh!” Idi ui nengamung nelun mula', pad kai miak mutut ratnan susa' ini,

NEHEMIA 5:9

Idi kebalaku teh, “Sala' luk ruen muyuh ineh! Petulu muyuh matot inan Allah idi nganau' luk matu, pad bunu' tau lun pupu baken na miak situnga netau.

NANI UBUR 15:5

Ieh maré usinneh kebiten dengan na ngalap uli'neh, idi na ieh ngalap suap idi ngadu' lemulun luk na mesala'. Lemulun luk nganau' kudeng ini miak ngalap tueh.

YESAYA 58:6

“Kudeng ini lawéneh mawa' luk pianKu: Neka kaling dereh idi paga' ukum luk na mesiri; idi muit lemulun luk pidereh.

YEHISKIEL 18:13

Ieh maré usin kebiten lun, pad ieh ngalap utung. Miakké ieh mulun? Na tu-tu! Ieh pangeh nenganau' amung kekamen luk dat ini, idi ieh miak maté ngaceku ineh. Ieh maté ngaceku sala'neh sebuleng.

YEHISKIEL 18:7

Na ieh naluk nelun baken, idi na ieh mano teh. Ieh nguli' luk biré lun luk ngiceh ku dudukneh. Ieh maman lemulun luk melau idi ngayung lemulun luk lubpa.

YEHISKIEL 18:8

Ieh na maré usin kebiten lun pad ieh ngalap utung. Ieh ara' nganau' luk dat idi megéi' mutut ukum luk mesiri.

MIKA 2:1

Pelaba susa' kuan lemulun luk telubid luun bitaran idi ngerawé-ngerawé ratnan luk dat! Idi kareb macang aco, idi ideh inan aceh kareb, petacu ideh nganau' luk tirawédeh.

2 KORINTUS 5:11

Kai kali' ilungneh matot nan Tuhan. Ini punneh kai ngubuk lemulun. Allah kali' dengan meriput luk bang niat kai. Kudeng ineh teh ui merapet nemuyuh pana' kali' luk bang niatku.

2 KORINTUS 5:20

Ngaceku ineh kai mangun ku lun duken Keristus, ayuneh Allah mutuh dengan dila' kai. Bang ngadan Keristus, kai mutuh nemuyuh pedo' dengan Allah.

2 KORINTUS 6:1

Iamo' kai luk pad-pad ngakem dengan Allah mutuh nemuyuh teh, pad muyuh na ngalap katu Allah mo'-mo'.

BADA' RATNAN UKUM 15:2

Idi kudeng ini lawéneh. Anid-anid lun luk maré kebiten kuan lun denganneh, do' nima' neneh, idi aleg mupud baleh ineh, ngaceku puit ineh ratnan Tuhan.