NEHEMIA 4:2 - BALA LUK DO'

² Idi kebala Sanbalat pa kiung lun rurumneh di baweh lun Samaria, “Anun luk ruen lun Yahudi luk melaya' ineh? Miakké ideh mudut bawang ineh baruh? Miakké ideh maré baré idi mangeh kekamen ineh bang seaco mo'? Miakké ideh nganau' batu luk do' ratnan teceh batu luk neseb teh?”

NEHEMIA 4:2 Iomraidhean Croise

ESRA 4:4

Idi lun bang bawang ineh nutun ngelaya' nelun Yahuda, pad ideh matot mudut.

NEHEMIA 12:27

Kareb ideh sembayang ratnan libung bawang Yerusalim, idi lun Liwi pangeh pimung ratnan anid-anid su luk inandeh tudo, pad amung-amungdeh miak ngerayeh aco ineh dengan mawang niat, idi dengan nani ubur, idi dengan uni karing idi teh giula'.

NEHEMIA 12:43

Idi bang aco sineh teh mula' baré luk biré kuan Tuhan, idi lun mula' mepanu' ku awang, ngaceku Allah luk nengawang niatdeh. Decur idi anak pana' nengerayeh aco sineh, idi ria'deh miak pedingeren rat mado.

NEHEMIA 4:10

Iamo' lun Yahuda inan aceh nani, kenanideh, “Kai na miak mudut libung ini aco sini, Ngaceku lun luk ngakem ineh melaya', Idi mula' arap teh.”

NEHEMIA 6:15

Pangeh kai nengakem limeh ngepulu' dueh aco, idi kai nemangeh libung ineh, ieh ineh dueh ngepulu' limeh aco bulan Elul.

NANI UBUR 83:4

Kebaladeh, “Amé' ngusag bawang Israil, pad na luk teruayen macing ruked-ruked!”

YEREMIA 26:18

“Kareb Raca' Hesekia nengimet bawang Yahuda, idi Nabi Mika rat Moreset nemada' nelun mula', kebalaneh, ‘Kudeng ini bala Tuhan luk Melalud: Sion miak uen ngeradu mepad kudeng lati'; Yerusalim miak mangun ku perupun batu mo', idi surud su inan Ruma' Allah miak mangun ku pulung.’

YEREMIA 33:24

“Kali'mu bala pupu ini luk pebala, ‘Tuhan pangeh nenala' Israil idi Yahuda, ieh ineh dueh pupu luk pinili'Neh?’ Pad ideh ngedat pupuKu, idi na ngerawé nedeh mangun ku aceh pupu.

DANIEL 9:25

Ngerawé do'-do': Rat kareb ukum ratnan mudut Yerusalim baruh barén, pad acing Raca' luk pinili' Allah, ieh ineh apat ngepulu' iwa' lak kinioneh. Yerusalim miak piduten baruh dengan tuda'-tuda' dalan idi libung luk meraben. Idi ieh miak tuped kinio 434 lak. Iamo' bang kareb ineh mula' susa'.

HABAKUK 3:2

O Tuhan, ui pangeh neninger ratnan luk inau'Mu, idi ui mepanu' ku tot. Do' nganau' bang kareb ini kekamen luk rayeh luk inau'Mu mon. Do' Iko méi', sagan pana' Iko museh.

SEKARIA 12:8

Kareb ineh Tuhan luk miak matar lemulun luk tudo déi' Yersualim, idi lemulun luk meluun laya' pana' miak mangun metueh mepad kudeng Daud. Inul Daud miak nguyut nedeh mepad kudeng Allah, ieh ineh mepad kudeng aceh melaikat Tuhan.

SEKARIA 4:10

Ideh mesusa' niat ngaceku sesuut mo' luk inau'deh. Iamo' ideh miak mawang niat kareb ideh nier ni Serubabel luk nguit nedeh mudut Ruma' Allah ineh.” Kebala melaikat negku, “Tudu' lapung ineh, ieh ineh tudu' mateh Tuhan luk nier aput-aput tana'.”

1 KORINTUS 1:27

Iamo' luk mebacé bang tana' ini pinili' Allah, pad Ieh miak ngigu' lemulun luk mileh ineh, idi luk melaya' bang tana' ini pinili' Allah, pad Ieh miak ngigu' lemulun luk metueh ineh.