NEHEMIA 4:14 - BALA LUK DO'

¹⁴ Idi ui nekali' lun mula' ineh merapang, idi kebalaku kuan lun rayehdeh, “Aleg matot ku bunu' tau. Do' ngerawé Tuhan luk meluun rayeh idi luk inan matot, idi pebunu' ku libal kinanak muyuh, anak muyuh, awan muyuh, idi ruma' muyuh.”

NEHEMIA 4:14 Iomraidhean Croise

SEMUIL LUK KEDUEH 10:12

Do' tau mekuu' pebunu' kuan pupu tau, idi kuan amung bawang Allah tau, pad Tuhan nganau' anun luk do' pa kiungNeh.”

INUL LUK KEDUEH 32:7

“Do' muyuh metueh idi mekuu'. Aleg muyuh matot nan raca' Asur idi bawehneh, ngaceku luk idi dengan tau ini meluun rayeh ratnan luk denganneh.

NEHEMIA 1:5

kesembayangku, “O Tuhan Allah Surga, Allah luk meluun rayeh idi luk inan matot! Iko lutep maya' jani' idi mawa nelun luk mawa Namu, idi luk maya' amung ukumMu.

AYUB 37:22

Rasat luk mepad kudeng amas siren pa tinueh busat aco, idi rayeh Allah ngatot netau.

NANI UBUR 143:5

Ui ngerawé aco luk pangeh nepelaba, idi amung luk pangeh inau'Mu, idi kekamenMu luk inan mawa.

NANI UBUR 20:7

Sebuangdeh merapet ku keréta belawan, idi sebuang merapet ku kuda; iamo' tau merapet ku lalud Tuhan Allah tau!

NANI UBUR 27:1

Tuhan ineh acang idi ulunku. Idé-idé pana' nateh ui matot; Tuhan matar negku ratnan amung dereh. Na ui miak matot peh.

NANI UBUR 46:11

Tuhan luk Melalud idi dengan tau, Allah Yakub ineh libung tau.

NANI UBUR 65:5

Iko ngua' sembayang kai, O Allah Lun Nengulun nekai, Iko ngulun nekai ku kekamen luk inan mawa. Lemulun aput-aput tana' ini merapet Namu, idi lemulun luk déi' dipar abpa' rayeh pana'.

NANI UBUR 66:3

Do' mala kuan Allah, “Pelaba do' kekamen luk ruenMu! LaludMu pelaba rayeh, pad bunu'Mu matot idi tekeradung pa kiungMu.

NANI UBUR 66:5

Do' amé' idi nier luk inau' Allah; kekamenNeh luk pelaba do' arang lemulun.

PURA' 14:14

Tuhan luk pebunu' libal muyuh, idi muyuh ungeng mo'!”

PURA' 14:25

Idi Ieh nengagka' roda amung kerétadeh, pad na miak mawer. Idi kebala lun Masir, “Do' tau buro rat pa kiung lun Israil, ngaceku Tuhan luk pebunu' netau ku libaldeh.”

LUN LUK MADA' 12:1

Idi ngerawé Allah luk nemudut namu kareb iko anak adi', kareb nateh aco susa' macing idi iko pebala, “Na ui mawang niat ku ulun tana' ini,”

DANIEL 11:32

Dengan saluk, raca' miak ngubuk lemulun luk pangeh nenecan sembayang ineh, iamo' lemulun luk maya' Allah miak metueh.

SEKARIA 14:3

Idi Tuhan miak amé' munu' amung pupu ineh, maya' kudeng luk inau'Neh rat mon.

IAP 14:9

Iamo' aleg muyuh ngedat Tuhan. Idi aleg muyuh matot ku lemulun luk kuan bawang ineh. Tau miak ngelaya' nedeh, ngaceku Tuhan idi dengan tau idi akangdeh pangeh inusagNeh. Aleg muyuh matot nedeh.”

MATIUS 10:28

Idi aleg matot nedeh luk ngaté burur mo', idi na melalud ngaté niat; iamo' do' muyuh matot nan Allah luk melalud ngaté niat idi burur pana' bang apui.

BADA' RATNAN UKUM 1:21

Tuhan Allah tepun muyuh pangeh nemaré tana' ineh kuan muyuh. Amé' tebawang su ineh, maya' kudeng luk icukNeh. Aleg muyuh matot idi merapang.’

BADA' RATNAN UKUM 10:17

Tuhan Allah muyuh ineh Allah pa luun amung allah, idi pa luun amung lalud. Ieh ineh luk meluun rayeh, idi melalud. Idi teh Ieh luk buren. Ieh na mili' lemulun, idi na ngalap suap.

IBERANI 13:6

Ngaceku ineh do' tau mekuu' pebala, “Tuhan ineh Lun Ngedengan negku, idi na ui matot peh. Anunké luk miak ruen lemulun kuanku?”

YUSAK 1:9

Ngerawé bala Kini, “Do' iko metueh idi mekuu'. Idi aleg iko matot, idi merapang Ngaceku Tuhan Allahmu idi denganmu iapeh-iapeh luk ulekmu.’ ”

LUN LUK NGUYUT 3:27

Kareb ieh nacing déei', idi ieh nengiup unga dumbaneh luun pegkung-pegkung Epraim nawar nelun Israil amée' pebunu'. Idi ieh nenguit nedeh musul pegkung ineh.