NEHEMIA 3:15 - BALA LUK DO'

¹⁵ Idi Salum Kolosi, lun rayeh bawang Mispa nemudut baruh Tanga' Bued Apba'. Idi ieh nenganau' aponeh, itekneh, idi palinneh. Idi ieh nemudut ar Takung Sila luk bang kabun raca', macing ican batu luk dalan temurun rat Bawang Daud.

NEHEMIA 3:15 Iomraidhean Croise

SEMUIL LUK KEDUEH 5:9

Idi Daud nengalap idi netudo bang bawang luk meraben ineh. Idi ieh neneten bawang ineh, “Bawang Daud.” Idi ieh nemudut bawang libut-libutneh rat su luk inan tana' luk pinaad pa busat aco surud ineh.

RACA'-RACA' LUK KEDUEH 25:4

Idi libung batu bawang Yerusalim mesong. Idi baweh Yahuda nutun buro kareb medacem, sagan tu pana' lun Babil ngelibut bawangdeh ineh. Ideh nenalan rat kabun raca' maya' tanga' luk titen Arang Dueh Alad. Idi ideh neburo iné' matun Raked Yarden.

INUL LUK KEDUEH 32:30

Idi teh Hesekia nengaang turuk Abpa' Gihun luk pa luun ineh, pad ieh manud pa liang tana' pa acep aco Bawang Daud. Idi amung-amung luk inau' Hesekia ineh inan peruan mo'.

NEHEMIA 12:37

Déi' Tanga' Bued Abpa' ideh numak ican luk macing Bawang Daud, luk lemaba ruma' Daud, idi luk lemubed macing libung ineh déi' Tanga' Abpa', luk pa busat aco bawang Yerusalim ineh.

NEHEMIA 2:14

Idi ui nenalan macing Tanga' Bued Abpa' idi teh macing Takung Raca', iamo' na luk idi dalan kuan keladaiku.

NEHEMIA 2:17

Idi kebalaku nedeh, “Muyuh kali' susa' tau ratnan Yerusalim pangeh inusag idi tanga'neh pangeh iseb. Do' tau mudut libung luk meraben déi' Yerusalim pad tau na migu'.”

NEHEMIA 3:12

Idi lun luk iring didueh, Salum Haloes, ieh ineh lun rayeh setangal bawang Yerusalim nemudut dengan anak-anakneh luk decur.

NEHEMIA 3:14

Malkia Rekab, lun rayeh bawang Bait Kerim nemudut baruh Tanga' Téi' idi nenganau' itekneh idi palinneh.

NEHEMIA 3:19

Idi lun luk iringneh, Eser Yesua, lun rayeh bawang Mispa, nemudut aceh babpat libung luk petutup ku ican luk dalan mudik amé' ruma' su luk inan nganug ayung pebunu' déi' lidung.

NEHEMIA 3:7

Idi lun luk iringdeh, Melatia lun Gibion idi Yaden lun Meronot, lun Gibion idi lun Mispa nemudut macing ruma' lun rayeh bawang par tungé' Abpa' Pirat.

NEHEMIA 3:9

Idi lun luk iringneh, Repaya Hur, ieh ineh lun rayeh setangal bawang Yerusalim, nemudut.

LUN LUK MADA' 2:6

Ui nengukat takung idi abang dalan abpa'.

YESAYA 8:6

“Ngaceku pupu ini na pian ku Arur Siloa luk melitong, idi ngaceku ideh megegker pa kiung Raca' Resin idi Raca' Peka,

YEREMIA 40:6

Yeremia iné' tudo dengan Gedalia déi' Mispa, idi ieh netudo arang pupuneh luk neketecan bang bawang ineh.

LUKAS 13:4

Kudeng apehké pulu' ualuh burur lemulun luk naté neritep ku ruma' luk medita' déi' Siloam ineh? Inanké muyuh ngerawé sala'deh meluun rayeh ratnan sala' amung lemulun luk tudo déi' Yerusalim?

YAHYA 9:7

idi nepebala neneh, “Amé' iko sibaru' déi' bang Takung Siloam!” (Ilung Siloam bang buri' Iberani, ieh ineh “Icuk.”) Idi ieh iné' sibaru', idi nelemubed dengan matehneh nedo.’

LUN LUK NGUYUT 20:1

Idi amung lun Israil rat bawang Dan macing bawang Birsiba, idi rat bawang Giliad inée' ku teteng ineh, idi nepamung pa kiung Tuhan déei' Mispa dengan sebuleng terawée.

LUN LUK NGUYUT 20:3

Idi lun pupu Beniamin nekali' bala amung lun Israil pangeh nenalan inée' Mispa. Idi kareb lun Israil nacing Mispa, idi ideh nengitun, “Mada' nekai kudeng apeh kekamen luk dat ini pangeh nangun?”