NEHEMIA 2:8 - BALA LUK DO'

⁸ idi aceh surat kuan Asap, lun luk nginita pulung raca', pad ieh maré kayuh ku atang tanga' su luk meraben iring Ruma' Allah, idi teh ku libung luk meraben déi' bawang Yerusalim, idi teh ku ruma'ku sebuleng.” Idi raca' nemaré luk pinutuhku, ngaceku Allahku nengedengan negku.

NEHEMIA 2:8 Iomraidhean Croise

PUDUT 32:28

Kebala Lemulun ineh, “Na iko miak tetanen Yakub peh, iamo' Israil, ngaceku iko pangeh mangun kudeng aceh raca' pa kiung Allah, idi pa kiung lemulun pana', idi iko pangeh metueh.”

ESRA 5:5

Iamo' Allahdeh nematar amung lun rayeh lun Yahudi, idi na lun Parsi nemebpeng nedeh ineh, pad dalan ineh miak kali' Darius, pelé ieh ngua' suratdeh ineh.

ESRA 6:22

Idi ideh nenganau' Aco Rayeh Ruti luk Na Lamud tudu' aco kinioneh dengan mawang niat ngaceku Tuhan pangeh nengawang niatdeh ineh, idi Ieh nengegio niat raca' Asur pad ieh nengedengan nedeh nganau' Ruma' Allah lun Israil.

ESRA 6:8

Ui ngecuk nemuyuh ngedengan nedeh pelé ideh mudut Ruma' Allah ineh. Do' maré amung raganeh kuandeh dengan mesaget ratnan usin raca', ieh ineh pupuk idi acam ratnan bawang luk pa acep aco Abpa' Pirat pad kekamendeh na uen ngesabeng.

ESRA 7:6

Idi Esra ineh seburur luk mileh ngelio ukum Musa luk pangeh biré Tuhan Allah lun Israil. Idi raca' nemaré kuanneh amung luk pianneh, ngaceku Tuhan Allahneh nengeperuan neneh. Idi Esra nenalan rat bawang Babil iné' Yerusalim,

NEHEMIA 7:2

Idi ui nengecuk dueh burur ngimet bawang Yerusalim: kinanakku Hanani, idi Hanania luk lun rayeh baweh. Hanania ineh seburur lemulun luk inan merapet idi luk meluun matot inan Allah.

BALE' 21:1

Tuhan ngimet terawé raca', mepad kudeng Ieh nenganau' dalan abpa'.

LUN LUK MADA' 2:5

Ui nenganau' tuda'-tuda' kabun idi nenibu tuda'-tuda' bua'.

LUN LUK MADA' 2:6

Ui nengukat takung idi abang dalan abpa'.

YESAYA 66:14

Kareb muyuh kali' amung ineh mangun, muyuh miak mawang niat, pad muyuh metueh idi do' ulun. Kareb ineh muyuh kali' Ui ini Tuhan ngedengan lemulun luk maya' balaKu, idi ngegala' usehKu kuan amung bunu'Ku.”

DANIEL 1:9

Idi Allah nenganau' Aspenas méi' kuan Daniel.

KEKAMEN RASUL-RASUL 26:22

Iamo' macing aco sini ui pangeh dinengan Allah, pad ui tuped idi maré kali' nekini pa kiung amung-amung lun mula', do' lun do' idi lun masi' pana'. Ui na pebala anun-anun luk baken iamo' luk pangeh bila nabi-nabi idi Musa miak mangun peh:

KEKAMEN RASUL-RASUL 7:10

idi nemuit neneh ratnan amung-amung derehneh, idi nemaré neneh katu idi ileh pa kiung raca' Masir ineh luk nenganau' neneh mangun ku lun rayeh amung-amung tana' Masir idi amung-amung anak itinneh.

2 KORINTUS 8:16

Kai ngubur Allah ngaceku Ieh nengegio niat Titus pad ieh geregan ngedengan nemuyuh.