NEHEMIA 2:7 - BALA LUK DO'

⁷ Idi kebalaku inan rica', “Kudeng petulu pa kiungmu, do raca maré tuda'-tuda' surat kuan amung lun rayeh bawang déi' dipar Abpa' Pirat, pad ideh maré negku lemaba bawangdeh, pelé ui macing déi' Yahuda,

NEHEMIA 2:7 Iomraidhean Croise

ESRA 6:6

Idi Raca' Darius nengua' surat ineh kudeng ini: “Tabi' kuan Tatenai, pengulu pa acep aco Abpa' Pirat, idi Setar Bosenai, idi lun rayeh luk ngedengan nemedueh. “Ngado burur muyuh ratnan Ruma' Allah ineh.

ESRA 7:21

“Idi ui ngecuk amung lun rayeh luk ngimet usin bang bawang luk pa acep aco Abpa' Pirat, maré dengan mesaget amung-amung luk pinutuh Imam Esra, lun luk mileh ngelio ukum Allah Surga.

ESRA 8:22

Ngaceku ui migu' mutuh inan raca' aceh baweh idi lun luk maya' kuda, pad ideh miak matar nekai ratnan amung bunu' arang dalan, ngaceku kebala kai inan raca', “Idi Allah kai, ngeperuan amung lemulun luk merapet Neneh, iamo' Ieh pelaba useh nelun luk teketed rat Neneh.”

ESRA 8:36

Idi ideh nenguit surat luk biré raca', idi nemaré ineh nelun tareh raca' idi kuan lun rayeh-rayeh rat pa acep aco Abpa' Pirat, pad ideh pana' nengedengan nelun Israil idi Ruma' Allah ineh.

NEHEMIA 2:9

Idi ui iné' inan lun rayeh bawang déi' dipar Abpa' Pirat, idi ui nemaré amung surat raca' ineh nedeh. Idi raca' pangeh nemaré tuda'-tuda' lun rayeh baweh idi lun luk maya' kuda nemaya' negku.

NEHEMIA 3:7

Idi lun luk iringdeh, Melatia lun Gibion idi Yaden lun Meronot, lun Gibion idi lun Mispa nemudut macing ruma' lun rayeh bawang par tungé' Abpa' Pirat.