NEHEMIA 2:4 - BALA LUK DO'

⁴ Idi kebala raca' negku, “Anun luk pianmu negku?” Idi ui nesembayang inan Allah Surga.

NEHEMIA 2:4 Iomraidhean Croise

SEMUIL LUK KEDUEH 15:31

Idi kebaladeh ni Daud, “Ahitopel pana' idi arang lun rurum Absalom.” Idi kesembayang Daud, “O Tuhan ngisu' bala Ahitopel, pad balaneh mebacé!”

RACA'-RACA' LUK PUN-PUN 3:5

Idi dacem sineh Tuhan nesilagan neneh bang nupi. Idi kebalaNeh neneh, “Mutuh iko anun luk pianmu, idi miak Ui maré kuanmu.”

NEHEMIA 1:11

O Tuhan, ninger sembayangku, idi sembayang amung demulunMu luk matot ku ngadanMu. Idi maré peruan negku bang aco sini, idi ngegio niat raca' pad ieh méi' negku.”

NEHEMIA 1:4

Kareb ui neninger bala ini, idi ui netudo idi nenangi'. Idi ui netemido tuda'-tuda' aco. Idi ui mawa' na kuman idi nesembayang pa kiung Allah Surga,

NEHEMIA 1:5

kesembayangku, “O Tuhan Allah Surga, Allah luk meluun rayeh idi luk inan matot! Iko lutep maya' jani' idi mawa nelun luk mawa Namu, idi luk maya' amung ukumMu.

NEHEMIA 2:20

Idi ui nengor baladeh, “Allah Surga miak ngeperuan nekai, idi kai luk demulunNeh miak mudut libung ineh, iamo' muyuh na babpat, idi na lalud, idi na miak teruayen déi' Yerusalim.”

NEHEMIA 2:5

Idi ui nengor bala raca', “Kudeng petulu pa kiung raca' idi kudeng iko méi' negku, do' maré negku amé' déi' Yahuda, ieh ineh bawang su luk inan tanem tepunku ineh, pad ui miak mudut bawang ineh baruh.”

ESTER 5:3

“Anun pianmu, Raca' Decur Ester?” kebala raca' neneh. “Ui maré luk pianmu sagan tu pana' setangal imetku.”

ESTER 5:6

Kareb didueh ngirup, raca' nengitun ni Ester, kebalaneh, “Mada' negku luk pianmu, pad iko ngalap ineh sagan tu pana' setangal imetku.”

ESTER 7:2

luk kedueh kua'. Kareb ideh ngirup, raca' nengitun neneh, “O Raca' Decur Ester, anunké luk pianmu? Mada' negku, pad iko ngalap ineh, sagan tu pana' setangal imetku.”

NANI UBUR 136:26

Maré ubur kuan Allah Surga; idi awaNeh meruked.

BALE' 3:6

Ngerawé Tuhan bang amung-amung luk ruenmu, idi Ieh miak mada' namu dalan luk matu.

MARKUS 10:51

Idi kebala Yésus neneh, “Anunké luk pianmu Negku?” Idi keburi' lun mebuser ineh Neneh, “O Guru, ui mutuh miak nier.”

KEKAMEN RASUL-RASUL 23:19

Idi lun rayeh baweh ineh pana' nengimet ticu'neh, idi nenguit neneh amé' setau' idi nengitun neneh, “Anunké luk belénmu negku?”

PILIPI 4:6

Aleg muyuh merapang ratnan anun-anun, iamo' bang luk amung-amung do' amung-amung pian muyuh uen ngegala' kuan Allah, bang sembayang idi putuh dengan maré ubur.