NEHEMIA 2:20 - BALA LUK DO'

²⁰ Idi ui nengor baladeh, “Allah Surga miak ngeperuan nekai, idi kai luk demulunNeh miak mudut libung ineh, iamo' muyuh na babpat, idi na lalud, idi na miak teruayen déi' Yerusalim.”

NEHEMIA 2:20 Iomraidhean Croise

INUL LUK KEDUEH 26:5

Idi ieh metueh nakap Allah ruked ulun Sekaria luk nemada' neneh ratnan matot inan Allah. Idi seruked ieh nakap Tuhan, Allah pana' nengeperuan neneh.

ESRA 4:3

Iamo' kebala Serubabel, Yesua, idi amung lun rayeh inul, “Na muyuh miak ngedengan nekai mudut aceh Ruma' kuan Tuhan Allah kai. Iamo' kai sebuleng mo' mudut ineh, maya' kudeng bala Kores raca' Parsi nekai.”

NEHEMIA 1:4

Kareb ui neninger bala ini, idi ui netudo idi nenangi'. Idi ui netemido tuda'-tuda' aco. Idi ui mawa' na kuman idi nesembayang pa kiung Allah Surga,

NEHEMIA 2:4

Idi kebala raca' negku, “Anun luk pianmu negku?” Idi ui nesembayang inan Allah Surga.

ESTER 4:11

kebalaneh, “Kudeng idé-idé deléi idi decur amé' luun natad luk bal alad pian papu' raca' dengan na tinawar, lemulun ineh kali' rungen pitayen. Ieh ineh ukum raca'; amung-amung lemulun, ratnan lun rayeh-rayeh raca' macing nan anak itin luk tudo bang babpat-babpat imet, kali' ineh. Seburur pana' nateh miak mepuit ratnan ukum ineh, kudeng raca' na natang rukudneh luk ratnan amas, pad lemulun ineh na pitayen. Iamo' sebulan kinioneh raca' na nenawar negku.”

NANI UBUR 102:17

Ieh miak ninger tawar pupuNeh luk tican, idi ngua' sembayangdeh.

NANI UBUR 122:6

Sembayang mutuh do' udeng kuan bawang Yerusalim! “Nima' lemulun luk mawa namu uen ngeperuan!

NANI UBUR 20:5

Kai sikal ngudub dengan mawang niat ngaceku tuehmu, idi ngerayeh tuehmmu idi ngubur Allah tau. Do' Tuhan maré amung-amung putuhmu.

NANI UBUR 35:27

Nima' nelun luk pian nier negku ruen matu ngitang ku awang niat idi megéi' pebala, “Tuhan ineh rayeh, idi Ieh mawang niat, ngaceku tueh demulunNeh!”

NANI UBUR 51:18

Do' méi' kuan Sion, Allah, idi ngedengan neneh; mudut alad bawang Yerusalim baruh teh.

PURA' 28:29

“Kareb Arun semuet bang Su luk Meligan, idi ieh miak ngayung ku kakeb ruuk dengan ngadan pupu-pupu Israil, pad Ui ini Tuhan megéi ngerawé pupuKu.

LUN LUK MADA' 7:18

Do' ngalap terawé luk muned. Kudeng iko matot inan Allah, luk ruenmu miak mangun.

YESAYA 56:5

kali' rungen ngadan muyuh meluun teruayen bang Ruma'Ku idi arang pupuKu, sagan tu pana' muyuh na anak. Na tu ngadan muyuh mekelupan ruked-ruked.”

UKUM 2:2

Idi do' amung ineh iten amé' nan anak Arun luk imam-imam. Idi sebuleng imam miak ngalap sengeragam banak ineh, perapu dengan umau saitun idi umau luk do' buen ineh. Idi do' imam ineh ngeseb ineh luun bubpun pad mangun ku aceh buen luk do' kuan Tuhan.

UKUM 24:7

Idi pa luun dueh atur ineh do' ngerareng umau luk do' buen luk meligan mangun ku aceh terawé ratnan ruti ineh, ieh ineh aceh baré akan kuan Tuhan.

SEKARIA 6:14

Idi pata ineh miak mangun ku aceh terawé bang Ruma' Tuhan ratnan Heldai, Tobia, Yedaya, idi Yosia.”

IAP 10:10

Kudeng ineh teh kareb irau muyuh, bang aco rayeh luk litep, idi pun bulan, do' muyuh ngiup serupit ineh kareb muyuh maré baré luk sabpen, idi baré luk nguit pedo', pad Allah miak ngerawé nemuyuh. Ui ini Tuhan Allah muyuh.”

KEKAMEN RASUL-RASUL 10:31

idi kebalaneh, ‘O Kornilius, sembayangmu pangeh ilap idi éi'mu pana' tirawé Allah.

KEKAMEN RASUL-RASUL 10:4

Idi ieh nenier melaikat ineh dengan matot, kebalaneh, “Anun idi, O Tuhan?” Idi kebala melaikat neneh, “Amung sembayangmu idi éi'mu pangeh kali' Allah mangun ku aceh terawé pa kiungNeh.

KEKAMEN RASUL-RASUL 8:21

Iko na babpat bang kekamen kai ini, ngaceku niatmu na mesiri pa kiung Allah.