NEHEMIA 2:18 - BALA LUK DO'

¹⁸ Idi ui nemada' nedeh ratnan kudeng apeh Allah pangeh nengeperuan negku, idi teh ratnan bala raca' negku. Idi kebaladeh, “Do' tau amé' mudut ineh baruh.” Idi ideh nengimun ngakem dengan ran niat.

NEHEMIA 2:18 Iomraidhean Croise

SEMUIL LUK KEDUEH 2:7

Do' muyuh metueh idi mekuu'. Raca' muyuh Saul pangeh naté, idi teh lun Yahuda pangeh nengumau negku ku raca'deh.”

INUL LUK PUN-PUN 11:10

Ini ngadan lun pebunu' Daud luk mebala. Ideh nengedengan nelun Israil, pad ideh nengikit neneh mangun ku raca', maya' kudeng luk pijani' Tuhan. Idi ideh nengeletep imetneh ineh.

INUL LUK PUN-PUN 19:13

Do' tau metueh idi mekuu'! Do' tau metueh pebunu' kuan pupu tau, idi kuan amung bawang Allah tau. Idi do' Tuhan nganau' anun-anun luk do' pa kiungNeh.”

INUL LUK KEDUEH 32:5

Idi raca' metueh ngakem, idi ieh nengedo' amung libung luk meraben iapeh-iapeh su luk netabpa. Idi ieh nemudut pudut luk medita' luun ineh. Idi teh ieh nemudut libung bal alad bawang. Idi ieh nengeraben libung luk meraben luun tana' luk pinaad luk pa busat aco Yerusalim luk mon ineh Idi teh ieh nenganau' mula' utap idi pelapet.

ESRA 6:22

Idi ideh nenganau' Aco Rayeh Ruti luk Na Lamud tudu' aco kinioneh dengan mawang niat ngaceku Tuhan pangeh nengawang niatdeh ineh, idi Ieh nengegio niat raca' Asur pad ieh nengedengan nedeh nganau' Ruma' Allah lun Israil.

NEHEMIA 2:8

idi aceh surat kuan Asap, lun luk nginita pulung raca', pad ieh maré kayuh ku atang tanga' su luk meraben iring Ruma' Allah, idi teh ku libung luk meraben déi' bawang Yerusalim, idi teh ku ruma'ku sebuleng.” Idi raca' nemaré luk pinutuhku, ngaceku Allahku nengedengan negku.

EPESUS 6:10

Idi kekipedneh, do' muyuh mangun metueh bang Tuhan idi dengan tueh laludNeh ineh.

PILIPI 2:13

Ngaceku Allah, Ieh ineh luk ngakem bang nemuyuh pad muyuh geregan idi ngakem teh sikal ngacing pianNeh luk do' ineh.

SEMUIL LUK PUN-PUN 23:16

Idi Yonatan iné' ni Daud déi' Hores, idi ieh nengetueh anuneh inan Allah.