NEHEMIA 2:14 - BALA LUK DO'

¹⁴ Idi ui nenalan macing Tanga' Bued Abpa' idi teh macing Takung Raca', iamo' na luk idi dalan kuan keladaiku.

NEHEMIA 2:14 Iomraidhean Croise

RACA'-RACA' LUK KEDUEH 18:17

Idi raca' Asur nengecuk aceh baweh rayeh rat Lakis amé' munu' Hesekia déi' Yerusalim. Idi baweh ineh pa liang imet teluh lun pebunu' luk meluun rayeh. Kareb ideh macing déi' Yerusalim, idi ideh nugka' muneng ku abang abpa' luk dalan ratnan takung luk medita' luk iring dalan rayeh su luk inan lun mileh nganau' kibung.

RACA'-RACA' LUK KEDUEH 20:20

Idi amung kekamen Raca' Hesekia luk baken, idi kuu'neh, idi kudeng apeh ieh pangeh nenganau' takung idi abang abpa', pad nenganau' abpa' ineh amé' bang bawang, pangeh inayud bang Surat Kekamen Raca'-Raca' Lun Yahuda.

INUL LUK KEDUEH 32:30

Idi teh Hesekia nengaang turuk Abpa' Gihun luk pa luun ineh, pad ieh manud pa liang tana' pa acep aco Bawang Daud. Idi amung-amung luk inau' Hesekia ineh inan peruan mo'.

NEHEMIA 12:37

Déi' Tanga' Bued Abpa' ideh numak ican luk macing Bawang Daud, luk lemaba ruma' Daud, idi luk lemubed macing libung ineh déi' Tanga' Abpa', luk pa busat aco bawang Yerusalim ineh.

NEHEMIA 3:15

Idi Salum Kolosi, lun rayeh bawang Mispa nemudut baruh Tanga' Bued Apba'. Idi ieh nenganau' aponeh, itekneh, idi palinneh. Idi ieh nemudut ar Takung Sila luk bang kabun raca', macing ican batu luk dalan temurun rat Bawang Daud.

NEHEMIA 3:16

Idi lun luk iringneh, Nehemia anak Asbuk, lun rayeh setangal bawang Baitsur nemudut macing su luk petutup ku tanem Raca' Daud, idi macing ku takung luk inau' lemulun idi ruma' lun luk metueh.

LUN LUK MADA' 2:6

Ui nengukat takung idi abang dalan abpa'.