NEHEMIA 2:10 - BALA LUK DO'

¹⁰ Iamo' kareb Sanbalat, lun Bait Horon, idi Tobia, lun duken lun Amon, nekali' bala ineh, idi didueh pelaba dat niat, ngaceku inan seburur lun nacing sikal nganau' luk do' kuan lun pupu Israil.

NEHEMIA 2:10 Iomraidhean Croise

NEHEMIA 13:1

Kareb ineh Ukum Musa uned uen maca' kuan lun Israil. Idi ideh nacing ayat luk mada' ratnan lun Amon idi lun Moab bibpeng na miak peruyung dengan pupu Allah.

NEHEMIA 13:28

Yoyada, ieh ineh anak Imam Rayeh, Eliasib. Iamo' sebuleng anak Yoyada nengaweh anak decur Sanbalat, rat Bait Horon. Ngaceku ineh ui nengecuk neneh buro rat Yerusalim.

NEHEMIA 13:4

Imam Eliasib, luk ngimet su luk inan nganug binaweh bang Ruma' Allah perurum ni Tobia rat mon.

NEHEMIA 2:19

Iamo' kareb Sanbalat, Tobia, idi Gesan lun Arab nekali' bala ineh, idi ideh nesitunga nekai, kebaladeh, “Anunké luk ruen muyuh? Muyuh pian metueh ratnan raca'ké?”

NEHEMIA 4:7

Iamo' kareb Sanbalat, Tobia, lun Arab, lun Amon, idi lun Asdod neninger bala ratnan kai nemudut libung Yerusalim idi nengedo' luk pangeh inusag ineh, idi ideh pelaba useh.

NEHEMIA 6:1

Sanbalat, Tobia, Gesem, idi bunu' tau luk baken neninger bala ratnan kai pangeh nemangeh kekamen mudut libung, idi sebuleng song pana' nateh luk ketecan. (Iamo' nateh kai nenganau' itek tanga'.)

NEHEMIA 6:16

Kareb bunu' kai luk libut-libut Yerusalim nekali' bala ineh, idi ideh migu', ngaceku amung-amung lemulun kali' idi kekamen ineh pangeh inau' ngaceku pedengan ratnan Allah.

ESTER 10:3

Raca' Ahasuiras mo' luk meluun rayeh ratnan Mordekai lun Yahudi ineh. Ieh buren lun Yahudi luk baken. Ieh nengakem pad ngacing peruan kuan pupuneh, pelé inuldeh luk muci do' udeng.

NANI UBUR 112:10

Lemulun luk dat nier ineh idi ideh museh; idi ideh pelaba gateh idi buro; luk piandeh na mekalapdeh ruked-ruked.

BALE' 27:4

Useh ineh dat kuel idi ngusag, iamo' temaruh luk pelaba dat.

BALE' 30:22

demulun luk mangun ku raca', lun mebacé luk mula' akan,

LUN LUK MADA' 10:7

Ui pangeh nenier demulun maya' kuda, iamo' lun do' luk nalan kukud mepad kudeng demulun.

YESAYA 15:5

Ui pana' nangi' ngerawé Moab! Lun bang bawang ineh pangeh neburo iné' Soar. Sebuang mudik dalan amé' Luhit, dengan nangi'. Sebuang buro amé' Horonaim dengan ngarod ku dat niatdeh.

YEREMIA 41:10

Idi Ismail nengakem amung anak raca' luk decur dengan amung lemulun luk ketecan déi' Mispa luk biré Nebusaradan lun rayeh baweh bang imet Gedalia. Ismail nenaban nedeh amé' bawang Amon.

YEREMIA 48:34

“Lun Hesbon idi lun Elila ngitang, idi tangdeh pedingeren macing Yahas, idi teh pedingeren lun Soar, idi macing Horonaim idi Eglat luk Mebaruh. Idi Arur Nimrim pana' nekeket.

YEREMIA 48:5

Ninger ilung tangi'deh, ruked dalan amé' Luhit, ninger aroddeh ngaceku mesusa', ruked dalan amé' Horonaim.

KEKAMEN RASUL-RASUL 4:2

Ideh museh ngaceku didueh ineh nemada' nelun mula' ratnan Yésus netumui ratnan até, luk mangun ku tanu' ratnan lun maté pana' miak tumui.

KEKAMEN RASUL-RASUL 5:24

Kareb lun rayeh lun matar Ruma' Allah idi imam-imam rayeh neninger bala ineh, idi ideh merapang ku ineh.