NEHEMIA 13:31 - BALA LUK DO'

³¹ Ui nengecuk nelun Israil nguit kayuh ku ngeseb baré luk sabpen bang kareb luk petulu. Idi teh ui nengecuk nguit baré padé luk pun piranih idi bua' luk pun melak. Idi kesembayangku, O Allah, ngerawé amung kekamen ini, idi ngeperuan negku.

NEHEMIA 13:31 Iomraidhean Croise

NEHEMIA 10:34

Kai, lun mula', imam, idi lun Liwi miak nala' udi anid-anid lak, pad kai miak kali' inul sapeh luk petulu maré kayuh ku ngeseb baré kuan Tuhan Allah kai maya' kudeng luk inayud bang Surat Ukum.

NEHEMIA 10:35

Anid-anid lak kai miak nguit amé' Ruma Allah padé luk piranih atun idi bua' luk pun melak.

NEHEMIA 10:38

Idi petulu imam luk inul Arun idi dengan lun Liwi kareb babpat pulu' ineh uen ngamung. Idi lun Liwi miak nganug bang su luk inan nganug binaweh bang Ruma' Allah sebabpat ratnan babpat pulu' luk imung ineh, kuan kekamen bang Ruma' Allah.

NEHEMIA 13:14

Idi kesembayangku, O Allah, ngerawé amung luk inau'ku kuan ruma'Mu, pad lun Israil miak sembayang Namu.

NEHEMIA 13:22

Ui nengecuk nelun Liwi amé' matar amung tanga' bawang, pad Aco luk inan Mudeng miak uen ngeligan. Idi kesembayangku, O Allah, ngerawé negku, ngaceku kekamenku ini, idi méi' negku, ngaceku awaMu luk pelaba rayeh.

NEHEMIA 5:19

Kesembayangku, O Allah, ui mutuh Namu ngerawé kekamenku luk do' kuan pupu ini.

NANI UBUR 106:4

Ngerawé negku, O Tuhan, kareb Iko ngedengan pupuMu; ngulun negku, kareb Iko ngulun nedeh.

NANI UBUR 25:7

Maré do' ratnan sala' idi dat luk ianu'ku kareb ui anak adi'. Ngaceku awa idi do'Mu luk lutep, ngerawé negku, O Tuhan!

LUKAS 23:42

Idi keburi'neh nan Yésus, “O Yésus, do' ngerawé negku kareb Iko macing mangun ku Raca'.”