NEHEMIA 13:26 - BALA LUK DO'

²⁶ Kebalaku nedeh, “Decur ratnan pupu baken luk nenguit Raca' Selimun ngana' sala', sagan pana' ieh luk meluun rayeh ratnan amung-amung raca' pupu baken, idi sagan pana' Allah mawa neneh idi nenganau' neneh mangun ku raca' amung lun Israil.

NEHEMIA 13:26 Iomraidhean Croise

RACA'-RACA' LUK PUN-PUN 21:25

(Idi na lemulun mepad kudeng Akab luk nemasui bururneh idi nenganau' luk dat pa kiung Tuhan, ngaceku inubuk Isabel awanneh ineh.

RACA'-RACA' LUK PUN-PUN 3:12

idi Ui nganau' luk pinutuhmu. Idi Ui maré namu niat luk mileh idi luk kali' ngelio, pad na luk idi luk mepad kudeng iko atun rat namu, idi muci teh.

RACA'-RACA' LUK PUN-PUN 3:13

Idi teh anun luk na pinutuhmu Ui miak maré kuanmu, do' mula' binaweh, do' ubur, macing ruked ulunmu. Seburur pana' nateh mepad namu rat arang amung raca'.

RACA'-RACA' LUK PUN-PUN 4:1

Idi Selimun ineh raca' aput lun Israil.

INUL LUK KEDUEH 1:12

Ui maré ileh idi do' kali' namu. Meluun teh Ui maré namu amung do' idi binaweh luk meraga, idi iko meluun buren ratnan amung-amung raca' luk nengimet atun rat namu, idi luk miak ngimet muci rat namu teh.”

INUL LUK KEDUEH 9:22

Raca' Selimun inan meluun ula' binaweh idi ieh meluun ileh ratnan amung raca' bang tana' ini.

BALE' 31:3

Aleg iko merur nakap decur luk mesawa', idi aleg ngabud usinmu kuandeh. Decur ineh ngebpeh raca'-raca'.

LUN LUK MADA' 7:26

Ui kali' luk meluun pét ratnan até, ieh ineh decur. Niatneh mangun ku abpung luk ngakem namu, ieh ineh mepad kudeng rabat, idi kareb ieh ngapel namu, ticu'neh mepad kudeng luk ku ngaling. Lemulun luk maya' pian Allah miak buro, iamo' ieh ngakem lun mesala'.