NEHEMIA 13:22 - BALA LUK DO'

²² Ui nengecuk nelun Liwi amé' matar amung tanga' bawang, pad Aco luk inan Mudeng miak uen ngeligan. Idi kesembayangku, O Allah, ngerawé negku, ngaceku kekamenku ini, idi méi' negku, ngaceku awaMu luk pelaba rayeh.

NEHEMIA 13:22 Iomraidhean Croise

RACA'-RACA' LUK KEDUEH 20:3

“O Tuhan, do' Iko ngerawé ratnan ui pangeh nenalan pa kiungMu dengan amung do' idi letep niatku. Idi pangeh ui nenganau' luk matu pa kiungMu.” Idi ieh pelaba tangi'.

RACA'-RACA' LUK KEDUEH 23:4

Idi Yosia nengecuk ni Hilkia, Imam Rayeh ineh, idi amung imam baken dengan amung lun luk nginita tanga' ngeruat amung repapeh luk pangeh inau' kuan Baal, akang Asera, idi gituen pana', rat bang Ruma' Allah. Idi raca' nengeseb amung ineh bal selipa Yerusalim déi' Ruan Kidron. Idi abuhneh inuit iné' Baitel.

INUL LUK KEDUEH 29:24

Idi amék ineh kirat amung imam, pad dara'deh mangun ku baré ngaceku sala' luun bubpun ineh, idi teh mangun ku luk nguit pedo' kuan amung lun Israil. Ngaceku kebala raca', do' maré baré luk sabpen idi baré ngaceku sala' ineh, kuan amung lun Israil.

INUL LUK KEDUEH 29:27

Idi Hesekia nengecuk nelun maré baré luk sabpen luun bubpun ineh. Idi kareb ideh nengimun maré baré luk sabpen ineh, idi ideh menani teh kuan Tuhan dengan amung uni serupit idi peranga' dengan amung luk muni-muni luk inau' Daud, raca' lun Israil.

INUL LUK KEDUEH 29:30

Raca' Hesekia idi amung lun rayeh pana' nengecuk nelun Liwi ngubur-ngubur Tuhan maya' bala Daud idi Nabi Asap ineh. Idi ideh menani ngubur Tuhan dengan mawang niat. Idi ideh netekeradung sembayang.

NEHEMIA 12:10

Yosua ineh taman Yoyakim. Yoyakim nenginul Eliasib; Eliasib nenginul Yoyada;

NEHEMIA 12:30

Amung imam idi lun Liwi nengeligan bururdeh sebuleng idi lun mula' pana'. Idi ideh nesembayang kuan amung tanga' bawang idi teh libung bawang.

NEHEMIA 13:14

Idi kesembayangku, O Allah, ngerawé amung luk inau'ku kuan ruma'Mu, pad lun Israil miak sembayang Namu.

NEHEMIA 13:31

Ui nengecuk nelun Israil nguit kayuh ku ngeseb baré luk sabpen bang kareb luk petulu. Idi teh ui nengecuk nguit baré padé luk pun piranih idi bua' luk pun melak. Idi kesembayangku, O Allah, ngerawé amung kekamen ini, idi ngeperuan negku.

NEHEMIA 5:19

Kesembayangku, O Allah, ui mutuh Namu ngerawé kekamenku luk do' kuan pupu ini.

NANI UBUR 130:7

O Israil do' merapet inan Tuhan, ngaceku awaNeh lutep, idi Ieh megéi' sikal ngulun.

NANI UBUR 5:7

Ngaceku awaMu luk rayeh, ui miak semuet bang ruma'Mu, idi sembayang bang Ruma'Mu luk meligan idi munel pa kiungMu dengan tot.

NANI UBUR 51:1

Méi negku, O Allah, ngaceku awaMu luk lutep; ngiu' sala'ku, ngaceku éi'Mu luk rayeh!

YESAYA 38:3

“O Tuhan, do' Iko ngerawé ratnan ui pangeh nenalan pa kiungMu dengan amung do' idi letep niatku. Idi pangeh ui nenganau' luk matu pa kiungMu.” Idi ieh pelaba tangi'.

YESAYA 49:23

Raca'-raca' miak mangun mepad kudeng tamanmu; raca'-raca' decur ngasa' namu mepad kudeng aceh tinan. Ideh tekeradung pa kiungmu idi ngedita' namu, dengan mebeneh niat. Iko miak kali' idi Ui ini Tuhan. Lemulun luk merapet ku pedenganKu kali' rungen denganin.”

YESAYA 55:7

Do' lemulun luk dat necan kekamendeh, idi ngisu' terawédeh. Do' ideh lumi inan Tuhan Allah tau, luk méi' ku lemulun idi luk maré do' ratnan sala'.

2 KORINTUS 1:12

Kai mawang niat ngaceku teruayen niat kai ngelio kuan kai ratnan ulun kai bang tana' ini, meluun teh ratnan rurum kai dengan muyuh luk pangeh isa' dengan kuu' idi siri niat ngaceku lalud katu Allah, idi baken ngaceku ileh lemulun.

BADA' RATNAN UKUM 5:12

“ ‘Do' iko nginita Aco luk inan Mudeng, pad iko ngeligan ineh, maya' kudeng bala Tuhan Allah namu.