NEHEMIA 13:2 - BALA LUK DO'

² Ngaceku lun Amon idi lun Moab na nemaré balu' idi luk rupen kuan lun Israil kareb ideh neremuat rat bang bawang Masir. Iamo' ideh nenabpar ni Bilam pad ieh miak ngediman nelun Israil, iamo' Allah kai nengisu' kedimandeh mangun ku peruan.

NEHEMIA 13:2 Iomraidhean Croise

NANI UBUR 109:28

Ideh miak ngediman negku, iamo' Iko luk ngeperuan negku. Nima' lemulun luk ngedereh negku uen ngelaya', idi do' ui luk demulunMu mawang niat.

MIKA 6:5

O pupuKu, do' ngerawé ratnan luk tirawé Balak, raca' Moab ratnan muyuh, idi kudeng apeh Bilam Bior nengor balaneh. Do' ngerawé ratnan amung-amung luk nangun kareb maya' dalan rat Sitim amé' Gilgal, pelé muyuh kali' luk inau'Ku pad ngulun nemuyuh.”

IAP 23:18

Idi Bilam nengimun mada', kebalaneh: “Tuped iko, O Balak, anak Sipor, idi ninger balaku, O anak Sipor:

MATIUS 25:40

Idi Raca' ineh sikal ngor, kebalaNeh, ‘Ui pebala nemuyuh, ngaceku muyuh nenganau' kudeng ini kuan seburur kinanakKu lun dat, ieh ineh luk inau' kuanKu teh.’

BADA' RATNAN UKUM 23:3

“Seburur lun Amon idi seburur Moab pana' na miak semuet bang tebubpun Tuhan. Kudeng anak mupundeh macing pulu' inul tu pana' nateh miak semuet bang tebubpun Tuhan macing ruked-ruked.

BADA' RATNAN UKUM 23:4

Ngaceku na ideh maré ruti idi abpa' nemuyuh maya' dalan, kareb muyuh remuat rat bang bawang Masir, idi ideh nenabpar ni Bilam anak Bior rat Pétor amé' Mesopotamia pad ieh ngediman nemuyuh.

BADA' RATNAN UKUM 23:5

Iamo' Tuhan Allah muyuh na sikal ninger ni Bilam ineh. Iamo' Ieh nengisu' kediman ineh mangun ku peruan ngaceku Ieh mawa nemuyuh.

2 PETRUS 2:15

Ideh nenecan dalan luk mesiri, idi maya' luk meraruh. Ideh maya' dalan Bilam Bior luk geregan ku tabpar kekamen luk dat;