NEHEMIA 13:14 - BALA LUK DO'

¹⁴ Idi kesembayangku, O Allah, ngerawé amung luk inau'ku kuan ruma'Mu, pad lun Israil miak sembayang Namu.

NEHEMIA 13:14 Iomraidhean Croise

RACA'-RACA' LUK KEDUEH 20:3

“O Tuhan, do' Iko ngerawé ratnan ui pangeh nenalan pa kiungMu dengan amung do' idi letep niatku. Idi pangeh ui nenganau' luk matu pa kiungMu.” Idi ieh pelaba tangi'.

INUL LUK PUN-PUN 29:3

Idi teh ngaceku Ruma' Allah ineh inanku geregan, idi ui maré teh amung amas, idi pirakku, baken ratnan amung barang luk pangeh tinina'ku atun.

INUL LUK KEDUEH 24:16

Idi ieh tinanem bang tanem raca'-raca' bang bawang Daud, ieh ineh Yerusalim luk mon. Ngaceku ieh pangeh nenganau' luk do' arang lun Israil, idi teh pa kiung Allah idi kuan Ruma'Neh.

ESRA 7:20

Idi anun luk petulu bang terawému barén kuan Ruma' Allahmu meluun ratnan ini, do' iko melih ineh ku usin luk dinug raca'.

ESRA 7:24

Idi aleg muyuh ngalap pupuk idi acam ratnan imam, lun Liwi, lun luk menani, lun luk nginita tanga', lun duken luk ngakem bang Ruma' Allah, idi lun duken lun baken bang Ruma' Allah ineh.

ESRA 7:27

Kebala Esra, “Amung ubur kuan Tuhan Allah tepun tau luk pangeh nengegio niat raca', pad ieh miak ngerayeh Ruma' Allah luk déi' Yerusalim ineh.

NEHEMIA 13:22

Ui nengecuk nelun Liwi amé' matar amung tanga' bawang, pad Aco luk inan Mudeng miak uen ngeligan. Idi kesembayangku, O Allah, ngerawé negku, ngaceku kekamenku ini, idi méi' negku, ngaceku awaMu luk pelaba rayeh.

NEHEMIA 13:31

Ui nengecuk nelun Israil nguit kayuh ku ngeseb baré luk sabpen bang kareb luk petulu. Idi teh ui nengecuk nguit baré padé luk pun piranih idi bua' luk pun melak. Idi kesembayangku, O Allah, ngerawé amung kekamen ini, idi ngeperuan negku.

NEHEMIA 5:19

Kesembayangku, O Allah, ui mutuh Namu ngerawé kekamenku luk do' kuan pupu ini.

YESAYA 38:3

“O Tuhan, do' Iko ngerawé ratnan ui pangeh nenalan pa kiungMu dengan amung do' idi letep niatku. Idi pangeh ui nenganau' luk matu pa kiungMu.” Idi ieh pelaba tangi'.

IBERANI 6:10

Ngaceku baken Allah na matu, idi Ieh na mekelupan ratnan, kekamen muyuh idi awa muyuh lu ginala' muyuh kuanNeh, kareb muyuh nengasa' nelun manu atun, idi macing nekini teh.

BALA LUK LINIO 3:5

Lemulun luk metueh miak uen ngayung ku ayung luk mebuda', idi na tu-tu Ui miak ngiu' ngadandeh rat bang surat ulun ineh. Ui miak ngamo ngadandeh pa kiung TamanKu idi pa kiung melaikat-melaikatNeh.