NEHEMIA 13:13 - BALA LUK DO'

¹³ Idi ui nengecuk lemulun ini ngimet su luk inan nganug repapeh: Selemia, lun imam; Saduk, lun luk mileh ngelio ukum; idi Pedaya, lun Liwi. Idi Hanan, anak Sakur Matania nengedengan nedeh. Ui kali' ui miak merapet nan lemulun ini luk miak maré akan petap kuan lun rurumdeh bang kekamen Allah.

NEHEMIA 13:13 Iomraidhean Croise

RACA'-RACA' LUK KEDUEH 12:15

Idi lun luk ngimet kekamen ineh inan merapet, idi na ideh nengitun ratnan kudeng apeh ideh maré usin luk birédeh ineh.

RACA'-RACA' LUK KEDUEH 12:16

Idi usin baré ngaceku mabeh sala' idi usin baré ngaceku sala'deh, ieh ineh na inuit semuet bang Ruma' Allah. Ngaceku amung ineh kuan amung imam.

RACA'-RACA' LUK KEDUEH 22:7

Idi lemulun luk ngimet kekamen ineh inan merapet. Na sa ngitun ratnan lawé usin ineh.”

NEHEMIA 10:38

Idi petulu imam luk inul Arun idi dengan lun Liwi kareb babpat pulu' ineh uen ngamung. Idi lun Liwi miak nganug bang su luk inan nganug binaweh bang Ruma' Allah sebabpat ratnan babpat pulu' luk imung ineh, kuan kekamen bang Ruma' Allah.

NEHEMIA 11:22

Lun rayeh lun Liwi luk tudo déi' Yerusalim, ieh ineh Usi, anak Bani Hasabia. Idi arang tepunneh inan Matania idi Mika. Idi Usi ineh ratnan inul Asap luk nguyut nelun luk mileh menani kareb sembayang bang Ruma' Allah.

NEHEMIA 12:44

Kareb ineh ideh nengeletep tuda'-tuda' burur lemulun luk miak ngimet su luk inan nganug padé luk pun piranih, idi bua' luk pun melak, babpat pulu', idi baré luk baken kuan Ruma' Allah. Lemulun ini ngalap baré kuan imam-imam idi lun Liwi maya' kudeng luk icuk bang Ukum Musa, ratnan lati'-lati' luk muneng ku bawang-bawang rayeh. Amung lun Yahuda mawang niat inan imam-imam idi lun Liwi,

NEHEMIA 3:30

Idi lun luk iringneh, Hanania Selemia, idi Hanun anak Salap luk keanem nemudut babpatdeh luk kedueh. Idi lun luk iringneh Mesulam Berekia nemudut libung luk petutup ku takepneh.

NEHEMIA 7:2

Idi ui nengecuk dueh burur ngimet bawang Yerusalim: kinanakku Hanani, idi Hanania luk lun rayeh baweh. Hanania ineh seburur lemulun luk inan merapet idi luk meluun matot inan Allah.

NEHEMIA 8:4

Idi Esra netuped bang mimbar luk pinudut ratnan kayuh kuan aco ineh. Idi lemulun ini netuped pa tinuehneh: Matitia, Sima, Anaya, Uria, Hilkia, idi Masia. Idi lemulun ini netuped pa kabingneh: Pedaya, Misail, Malkia, Hasum, Hasbadana, Sekaria, idi Mesulam.

LUKAS 12:42

Idi kebala Tuhan, “Idéké demulun luk lutep idi mileh, luk ruen tuanneh ngecuk matar uang ruma'neh, pad mabpat luk kenendeh bang kareb luk petulu?

KEKAMEN RASUL-RASUL 4:35

idi ideh nemaré ineh kuan rasul-rasul ineh, idi usin ineh uen mabpat kuan anid-aniddeh maya' ran niatdeh.

KEKAMEN RASUL-RASUL 6:1

Na mio teh kareb anak-anak sekola' Yésus iuk amé' mula', idi lun Yahudi rat bawang Grika ngedureng nelun Yahudi ngaceku decur tinula'deh na ngalap babpat usin anid-anid aco.

KEKAMEN RASUL-RASUL 6:3

Ngaceku ineh, O kinanak-kinanak, mili' rat arang muyuh tudu' burur luk buren idi luk mepanu' ku Roh Meligan idi ileh, luk miak uen kai ngeletep kuan kekamen ini.

1 KORINTUS 4:2

Idi luk petulu kuan lun ngasa', do' ieh lutep inan tuanneh.

1 TIMOTIUS 1:12

Idi ui ngubur Keristus Yésus, Tuhan tau luk pangeh nengetueh negku, ngaceku Ieh pangeh merapet negku, pad Ieh nengeletep negku kuan kekamen ini,

1 TIMOTIUS 3:10

Idi do' ideh tetunin atun. Idi kudeng ideh na mesala', do' ideh ngimet kekamen ngasa' sidang ineh.