NEHEMIA 13:11 - BALA LUK DO'

¹¹ Idi ui metueh mada' nelun rayeh-rayeh ngaceku ideh nima' Ruma' Allah tacin. Idi ui nenguit nelun Liwi idi lun luk menani lemubed amé' bang Ruma' Allah, idi nengecuk nedeh ngakem baruh.

NEHEMIA 13:11 Iomraidhean Croise

NEHEMIA 10:39

Lun Israil idi lun Liwi miak nguit baré padé, abpa' anggur, idi umau saitun amé' bang su luk inan nganug repapeh Ruma' Allah, idi su luk inan imam luk uned ngakem, lun luk nginita Ruma' Allah, idi lun luk menani bang Ruma' Allah tudo. Kai na miak ugka' ngasa' Ruma' Allah kai.

NEHEMIA 13:17

Ui metueh mada' nelun rayeh lun Yahudi, kebalaku nedeh, “Pelaba dat kekamen muyuh! Muyuh ngelutak Aco luk inan Mudeng.

NEHEMIA 13:25

Idi ui metueh mada' deléi ineh idi nemutuh Tuhan ngediman nedeh. Ui nemebal nedeh idi nemubput abpukdeh. Idi ui nengecuk nedeh pebulung ku ngadan Allah, pad ideh idi anakdeh pana' na ngaweh nelun pupu baken.

AYUB 31:34

Na ui matot ku bala dulun; pad ui tudo idi na mepai, ngaceku matot ku baladeh.

BALE' 28:4

Kudeng iko na ngerawé ukum, iko perurum nelun luk dat, iamo' kudeng iko maya' ukum, iko metueh rat nelun luk dat.

SEMUIL LUK PUN-PUN 2:17

Pelaba rayeh sala' anak-anak Eli pa kiung Tuhan, ngaceku didueh nengedat baré luk barén kuan Tuhan.