NEHEMIA 12:44 - BALA LUK DO'

⁴⁴ Kareb ineh ideh nengeletep tuda'-tuda' burur lemulun luk miak ngimet su luk inan nganug padé luk pun piranih, idi bua' luk pun melak, babpat pulu', idi baré luk baken kuan Ruma' Allah. Lemulun ini ngalap baré kuan imam-imam idi lun Liwi maya' kudeng luk icuk bang Ukum Musa, ratnan lati'-lati' luk muneng ku bawang-bawang rayeh. Amung lun Yahuda mawang niat inan imam-imam idi lun Liwi,

NEHEMIA 12:44 Iomraidhean Croise

INUL LUK PUN-PUN 23:28

Kekamen lun Liwi ineh, ieh ineh ngedengan imam-imam luk inul Arun bang kekamen Ruma' Allah, pad ideh ngasa' amung natad idi takep, idi ngeligan amung binaweh luk meligan, ku kekamen luk do' bang Ruma' Allah.

INUL LUK PUN-PUN 26:20

Tuda'-tuda' lun Liwi luk baken ngimet amung binaweh Ruma' Allah, idi amung binaweh luk linigan kuan Allah.

INUL LUK PUN-PUN 9:26

Ideh luk apat lun rayeh lun luk nginita tanga', ieh ineh lun Liwi. Ideh nginita amung takep idi binaweh luk meraga bang Ruma' Allah.

NEHEMIA 10:36

Kai miak nguit amé' matun imam-imam luk ngakem kuan Allah bang Ruma' Allah anak deléi kai luk atun, idi ideh barén kuan Allah, idi teh anak sapi', anak dumba, idi anak amék kai luk atun barén kuan Allah, maya' kudeng luk inayud bang Surat Ukum.

BALE' 8:34

Lemulun luk ninger balaku mawang niat, ieh ineh lemulun luk tudo munung tanga'ku anid-anid aco.

YESAYA 40:31

Iamo' idé-idé luk merapet ku Tuhan ngedengan nedeh, miak uen ngetueh baruh. Ideh kemikit dengan ilad mepad kudeng kanui. Kareb ideh upun, na ideh merur; kareb ideh nalan pana' na ideh melaya'.

IAP 3:10

Iamo' do' iko ngeletep ni Arun idi anak-anakneh, pad ideh ngakem kekamen imam. Iamo' kudeng inan lun baken nutun ngelibal nedeh, ieh miak pitayen.”

SURAT LUK BIRE PAULUS KUAN LUN RUM 12:7

Kudeng baré tau ineh ngasa' lemulun, do' tau ngasa' lemulun; kudeng mada', do' mada'.

BADA' RATNAN UKUM 18:8

Idi do' ideh ngalap babpat akan luk mepad. Ieh ineh meluun ratnan anun-anun luk lapen ratnan pupu tamanneh.