NEHEMIA 12:43 - BALA LUK DO'

⁴³ Idi bang aco sineh teh mula' baré luk biré kuan Tuhan, idi lun mula' mepanu' ku awang, ngaceku Allah luk nengawang niatdeh. Decur idi anak pana' nengerayeh aco sineh, idi ria'deh miak pedingeren rat mado.

NEHEMIA 12:43 Iomraidhean Croise

INUL LUK KEDUEH 20:13

Idi amung lun Yahuda netuped déi' luun natad Ruma' Allah dengan awan idi anak-anakdeh pana'.

INUL LUK KEDUEH 20:27

Idi Yosapat nenguit bawehneh lemubed amé' Yerusalim dengan mawang niat, ngaceku Tuhan pangeh nengelaya' bunu'deh.

INUL LUK KEDUEH 7:10

Idi dueh ngepulu' teluh aco bulan tudu', Raca' Selimun nengecuk nelun mula' ineh muli'. Ideh mawang niat, ngaceku amung peruan luk pangeh biré Tuhan kuan Daud idi Selimun idi pupuNeh lun Israil.

ESRA 3:13

pad seburur pana' nateh kali' ilung aroddeh, tangi', kian tang awang niat lek, ngaceku lun mula' ineh ngitang-ngitang dengan rayeh arod, pad pedingeren rat mado.

NEHEMIA 12:27

Kareb ideh sembayang ratnan libung bawang Yerusalim, idi lun Liwi pangeh pimung ratnan anid-anid su luk inandeh tudo, pad amung-amungdeh miak ngerayeh aco ineh dengan mawang niat, idi dengan nani ubur, idi dengan uni karing idi teh giula'.

NEHEMIA 12:42

idi teh lun luk menani luk kinuyut Yesrahia: Masia, Semaya, Eliasar, Usi, Yohanan, Malkia, Elam, idi Eser. Idi ideh menani rayeh arod.

AYUB 34:29

Kudeng Allah ungeng, seburur pana' nateh luk miak ngadu' Neneh. Kudeng Ieh teketed ratnan lemulun, ideh na miak nganau' anun-anun.

NANI UBUR 27:6

pad ui metueh ratnan bunu' luk libutku. Ui miak ngudub dengan mawang niat idi maré baré bang ruma'Neh. Ui miak menani idi ngubur Tuhan.

NANI UBUR 28:7

Tuhan matar negku idi ngelibung negku idi ui merapet Neneh; Ieh ngedengan negku, pad ui mawang niat idi menani ubur kuanNeh.

NANI UBUR 9:2

Ui menani ku awang niat, ngaceku Iko! Ui menani ubur kuanMu, O Allah luk Meluun Dita'.

NANI UBUR 92:4

O Tuhan, kekamenMu luk melalud nganau' negku mawang niat; ui menani dengan mawang niat ngaceku luk inau'Mu.

YESAYA 61:3

Idi maré kuan lemulun luk mesusa' niat déi' Sion, awang idi do' ria' ku libal susa' niat, idi nani ubur ku libal tangi'. Tuhan sebuleng miak ngasa' nedeh; ideh do' ulun mepad kudeng kayuh. Amung lemulun nganau' luk matu. Idi Allah miak buren ngaceku luk inau'Neh.

YEREMIA 31:13

Amung anak adi' decur miak ngalai dengan mawang niat, idi deléi luk mengered idi luk isuut teh miak mawang niat. Ui miak ngubuk nedeh, pad tidodeh mangun ku awang, idi susa'deh pana' mangun ku awang niat.

YEREMIA 33:11

awang niat idi do' ria', idi tang deléi idi decur luk sikal ngaweh. Muyuh miak ninger nani lemulun luk nguit baré ubur bang ruma'Ku. Kebaladeh, ‘Maré ubur kuan Tuhan luk Melalud, ngaceku Ieh do', idi awaNeh meruked.’ Ui miak ngeperuan bawang ini mepad kudeng luk atun. Ui ini Tuhan pangeh nepebala.”

IAP 10:10

Kudeng ineh teh kareb irau muyuh, bang aco rayeh luk litep, idi pun bulan, do' muyuh ngiup serupit ineh kareb muyuh maré baré luk sabpen, idi baré luk nguit pedo', pad Allah miak ngerawé nemuyuh. Ui ini Tuhan Allah muyuh.”

MATIUS 21:15

Imam-imam rayeh idi guru'-guru' Ukum ineh megateh niat kareb ideh nenier kekamen Yésus luk melalud, idi nekali' anak-anak luk bang Ruma' Allah ineh nengitang idi nepebala, “Ngubur Anak Daud!”

MATIUS 21:9

Idi lun mula' luk nenalan pa atunNeh idi pa ketedNeh nengitang, keburi'deh, “Ngubur Anak Daud! Samal kuanNeh luk macing bang ngadan Tuhan! Ngubur Allah!”

YAHYA 16:22

Kudeng ineh teh muyuh mesusa' nekini, iamo' Ui miak nier nemuyuh teh, idi miak muyuh mepanu' ku awang, idi seburur pana' nateh luk miak ngalap awang ineh rat nemuyuh.

EPESUS 5:19

Idi pebala arang muyuh sebuleng dengan nani ubur, idi ubur-ubur, idi nani luk ratnan Roh. Idi do' muyuh menani idi ngitang dengan ubur dengan amung niat muyuh kuan Tuhan.

YAKUB 5:13

Idéké rat arang muyuh luk mesusa'? Do' ieh sembayang. Idéké rat arang muyuh luk mawang niat? Do' ieh menani ngubur Allah.

SEMUIL LUK PUN-PUN 4:5

Idi kareb Pati' Pejani' Tuhan ineh nacing, idi amung lun Israil nengudub ranga'-ranga', pad tana' melinguh.