NEHEMIA 12:30 - BALA LUK DO'

³⁰ Amung imam idi lun Liwi nengeligan bururdeh sebuleng idi lun mula' pana'. Idi ideh nesembayang kuan amung tanga' bawang idi teh libung bawang.

NEHEMIA 12:30 Iomraidhean Croise

PUDUT 35:2

Idi kebala Yakub kuan amung uang tetek ruma'neh idi kuan amung-amung lun luk denganneh, “Do' nala' amung-amung akang lun pupu baken luk arang muyuh, idi ngeligan burur muyuh idi ngelibal amung-amung ayung muyuh.

INUL LUK PUN-PUN 15:14

Idi amung imam idi lun Liwi pana' nengeligan bururdeh sikal nguit Pati' Pejani' Tuhan Allah lun Israil.

INUL LUK KEDUEH 29:34

Iamo' imam-imam na petap ula'. Ngaceku ineh lun Liwi nengedengan nedeh pad kekamen ineh nepangeh, idi pad amung imam luk baken ineh pana' pangeh nengeligan bururdeh. (Ngaceku lun Liwi meluun ngerawé ratnan ngeligan bururdeh rat nelun imam.)

INUL LUK KEDUEH 29:5

Kebalaneh nedeh, “Ninger muyuh balaku O lun Liwi! Ngeligan burur muyuh idi ngeligan Ruma' Tuhan Allah tepun muyuh. Idi ngeruat amung luk melutak rat bang Ruma' Allah.

ESRA 6:21

Idi amung baré ineh kuan lun Israil luk tiban luk pangeh nuli', idi lun luk pangeh nenecan kekamen lun pupu baken luk bang bawang ineh, pad nakap Tuhan Allah lun Israil.

NEHEMIA 12:29

idi teh rat Baitgilgal, Giba, idi Asmabet, su luk inandeh pangeh netebawang.

NEHEMIA 13:22

Ui nengecuk nelun Liwi amé' matar amung tanga' bawang, pad Aco luk inan Mudeng miak uen ngeligan. Idi kesembayangku, O Allah, ngerawé negku, ngaceku kekamenku ini, idi méi' negku, ngaceku awaMu luk pelaba rayeh.

NEHEMIA 13:30

Ui nengeligan nelun Israil ratnan amung-amung kekamen luk rat nelun pupu baken. Ui nenganau' ukum-ukum kuan lun imam idi lun Liwi, pad amung-amungdeh miak kali' kekamendeh.

AYUB 1:5

Kareb anid irau ineh pangeh, Ayub megéi' kulat muka pekak idi maré baré ku ngeligan anakneh. Ieh megéi' nganau' kudeng ineh. Ngaceku ieh ngerawé kian seburur rat arangdeh lek pangeh nenganau' sala' idi nenguyo Allah dengan na kali'.

PURA' 19:10

Idi kebala Tuhan ni Musa, “Amé' iko nelun mula' ineh. Do' ideh temina' aco sini idi nebpa teh, idi mupu' ayungdeh,

PURA' 19:15

Idi kebala Musa nelun mula' ineh, “Temina' muyuh aco luk keteluh. Seburur pana' na miak pamung inan decur.”

IBERANI 5:1

Anid-anid Imam Rayeh ineh pinili' rat arang lemulun, idi litep ngakem kuan Allah ngaceku lemulun, pad ideh maré luk barén idi luk kereten luun bubpun kuan Tuhan, ngaceku sala' lemulun.

IBERANI 5:3

Idi ratnan ineh na miak na ideh maré luk kereten ngaceku sala', baken ngaceku pupu ineh mo', iamo' ngaceku bururneh sebuleng teh.