NEHEMIA 12:27 - BALA LUK DO'

²⁷ Kareb ideh sembayang ratnan libung bawang Yerusalim, idi lun Liwi pangeh pimung ratnan anid-anid su luk inandeh tudo, pad amung-amungdeh miak ngerayeh aco ineh dengan mawang niat, idi dengan nani ubur, idi dengan uni karing idi teh giula'.

NEHEMIA 12:27 Iomraidhean Croise

SEMUIL LUK KEDUEH 6:12

Raca' Daud neninger bala ratnan Tuhan nengeperuan uang tetek ruma' Obed idi amung-amung luk ieh kuan ngaceku Pati' Pejani' ineh. Idi Daud iné' ngalap ineh rat bang ruma' Obed, idi inuitneh iné' Yerusalim dengan mawang niat.

RACA'-RACA' LUK PUN-PUN 8:63

Idi baré luk nguit pedo' luk biré raca' kuan Tuhan ineh, ieh ineh sapi' 22,000, idi dumba 120,000. Kudeng ineh raca' idi lun mula' nengeligan Ruma' Allah ineh.

INUL LUK PUN-PUN 13:8

Idi Daud idi amung lun Israil pana' ngalai idi menani pa kiung Allah dengan manid-manid luk muni ratnan tapi', giula', karing, suling, idi kelinang.

INUL LUK PUN-PUN 15:12

Idi kebala Daud nedeh, “Muyuh ini lun rayeh amung lun bang tetek ruma' lun Liwi. Do' muyuh idi amung kinanak muyuh ngeligan burur muyuh, pelé muyuh miak nguit Pati' Pejani' Tuhan Allah lun Israil amé' su inanneh luk pangeh tinina'ku kuanneh.

INUL LUK PUN-PUN 15:16

Daud nengecuk nelun rayeh lun Liwi ngeletep kinanakdeh mangun ku lun luk menani dengan raput-raput uni, ieh ineh gita, suling, idi karing, pad uni ineh miak nganau' mawang niat.

INUL LUK PUN-PUN 15:28

Idi amung lun Israil nenguit Pati' Pejani' Tuhan iné' Yerusalim, dengan ngitang mawang niat, dengan uni serupit, giula', gita, idi karing.

INUL LUK PUN-PUN 15:4

Idi Daud nengamung amung inul Arun, idi amung lun Liwi pana'.

INUL LUK PUN-PUN 16:42

Heman idi Yedutun inan suling idi karing ku nganau' uni dengan nani ubur. Idi amung-amung pupu Yedutun, ieh ineh lun luk nginita tanga'.

INUL LUK PUN-PUN 16:5

Idi Asap ieh ineh lun rayehdeh. Idi luk kedueh rat neneh ieh ineh Sekaria. Yiel, Semiramot, Yehil, Matitia, Eliab, Benaya, Obed Edom, idi Yiel nenateg gita idi giula'. Idi Asap ngura' karing.

INUL LUK PUN-PUN 23:5

Ieh nengeletep 4,000 burur lun nginita tanga' idi 4,000 burur lun luk ngubur Tuhan dengan amung luk muni luk pangeh inau' ku ngubur Tuhan ineh.

INUL LUK PUN-PUN 26:31

Idi Yeria ineh lun rayeh inul Hebron. Idi kareb lak luk keapat ngepulu' bang imet Daud, ideh nenakap nelun luk mileh déi' Yaser bang bawang Giliad.

INUL LUK KEDUEH 29:25

Idi raca' nengecuk nelun Liwi tuped bang Ruma' Allah dengan karing, giula', idi gita, maya' kudeng ecuk Daud idi Gad, luk nabi raca', idi Nabi Natan. Ngaceku bala ini nacing ratnan Tuhan dengan tang nabi-nabiNeh.

INUL LUK KEDUEH 29:30

Raca' Hesekia idi amung lun rayeh pana' nengecuk nelun Liwi ngubur-ngubur Tuhan maya' bala Daud idi Nabi Asap ineh. Idi ideh menani ngubur Tuhan dengan mawang niat. Idi ideh netekeradung sembayang.

INUL LUK KEDUEH 7:6

Idi amung imam pana' netuped su luk litep kuandeh. Idi petutup nedeh lun Liwi pana' nengubur Tuhan dengan amung-amung luk muni, luk pangeh biré Raca' Daud. Kenanideh, “AwaNeh ineh meruked,” ieh ineh mepad kudeng nanideh kareb Daud mulun. Idi amung imam nengiup serupit kareb lun mula' netuped.

ESRA 6:16

Idi luk Israil, amung imam, idi lun Liwi, idi amung lun tiban luk pangeh nuli' ineh, nenganau' aco rayeh dengan mawang niat ngaceku Ruma' Allah ineh.

NEHEMIA 11:20

Lun Israil, imam-imam, idi lun Liwi luk baken tudo luun tana'deh sebuleng bang bawang baken déi' Yahuda.

NEHEMIA 12:43

Idi bang aco sineh teh mula' baré luk biré kuan Tuhan, idi lun mula' mepanu' ku awang, ngaceku Allah luk nengawang niatdeh. Decur idi anak pana' nengerayeh aco sineh, idi ria'deh miak pedingeren rat mado.

NEHEMIA 8:17

Amung lemulun luk nuli' rat bawang su luk inandeh tiban nemudut lepo idi netudo bang ineh. Lun Israil nateh nenganau' luk kudeng ineh muci ratnan kareb Yusak Nun. Amung-amungdeh pelaba awang niat.

NANI UBUR 149:3

Do' nateg giula' dengan tubung, idi ngalai ngubur ngadanNeh.

NANI UBUR 30:1

Ui ngubur Namu, Tuhan ngaceku Iko nengulun negku, idi nemebpeng bunu'ku na situnga negku.

BADA' RATNAN UKUM 16:11

Idi do' iko geriguen pa kiung Tuhan Allahmu dengan anakmu, lun dukenmu, idi lun Liwi, lun sakai, anak maté, idi decur tinula' luk tudo bang bawang muyuh, ieh ineh su luk pilin Tuhan inan sembayang.

BADA' RATNAN UKUM 20:5

“Pangeh ineh do' amung lun rayeh lun pebunu' mada' kuan lun mula' kudeng ini, ‘Idé-idé luk pangeh nemudut ruma' baruh idi nateh netudo bang ineh, do' ieh lemubed muli' amé' i ruma'neh, pad ieh na maté bang pebunu', idi na aceh lun baken tudo bang ruma' ineh.

PILIPI 4:4

Do' muyuh mulai niat bang Tuhan anid-anid kareb, idi sekua' teh ui pebala kuan muyuh: do' muyuh mawang niat.

BALA LUK LINIO 5:8

Kareb Ieh nenganau' ineh, idi apat pudut luk mulun ineh idi dueh ngepulu' apat lun rayeh ineh netekeradung pa kiung Anak Dumba ineh, idi anid-aniddeh uned ngimet giula' idi bigan amas panu' ku umau luk do' buen, ieh ineh sembayang lun manu.