NEHEMIA 12:25 - BALA LUK DO'

²⁵ Ini ngadan lemulun luk nginita Ruma' Allah luk matar su luk inan nganug binaweh muneng ku amung tanga' Ruma' Allah: Matania, Bakbukia, Obadia, Mesulam, Talmon, idi Akub.

NEHEMIA 12:25 Iomraidhean Croise

RACA'-RACA' LUK KEDUEH 7:10

Idi ideh nenalan idi me' nawar lun luk nginita tanga' bawang, kebaladeh, “Kai pangeh iné' su luk inan baweh lun Siria ineh. Kai mawa. Seburur pana' nateh idi déi'. Ria' pana' nateh luk idi. Iamo' inan tuda'-tuda' kuda idi keladai inabet, idi amung lepo pana' tican teh.”

INUL LUK PUN-PUN 23:32

Ideh ngasa' Lepo su luk inan papu' Tuhan idi Ruma' Allah. Idi teh ideh ngedengan nelun imam, ieh ineh pupudeh luk inul Arun kareb sembayang bang Ruma' Allah.

INUL LUK PUN-PUN 26:12

Idi lun luk nginita tanga' Ruma' Allah ineh bibpat tuda'-tuda' babpat, maya' mepad kudeng amung kinanakdeh lun Liwi luk ngakem bang Ruma' Allah.

INUL LUK PUN-PUN 26:15

Idi luk litep kuan Obed Edom, ieh ineh tanga' luk pa kabing busat aco, idi luk litep kuan anak-anakneh, ieh ineh ruma' luk inan nganug binaweh.

INUL LUK PUN-PUN 26:17

Idi pa busat aco inan anem burur lun luk nginita bang seaco. Idi pa tinueh busat aco teh inan apat burur. Idi teh pa kabing busat aco inan apat burur. Inan apat burur lun luk nginita ruma' luk inan nganug binaweh, dueh kuan anid sebuleng ruma' ineh.

INUL LUK KEDUEH 8:14

Maya' kudeng tamanneh Daud, idi Selimun nengeletep amung babpat imam bang kekamendeh anid-anid aco, idi teh babpat lun Liwi pana' luk ngedengan amung imam luk menani idi luk nganau' luk litep kuandeh. Idi teh ieh nengeletep babpat-babpat lun luk nginita Ruma' Allah luk ngakem anid-anid aco munung tanga'-tanga', maya' kudeng luk bila Daud, demulun Allah ineh.

YESAYA 21:8

Lun luk nginita ineh ngitang, kebalaneh, “O Tuan, ui matar tebaco kedangan.”