NEHEMIA 11:1 - BALA LUK DO'

¹ Lun rayeh-rayeh tudo déi' Yerusalim, idi lun baken, nenala' udi pad ideh mili' aceh tetek ruma' rat arang pulu' tetek ruma' luk miak tudo bang bawang Yerusalim luk meligan. Idi tetek ruma' luk ketecan miak tudo bang bawang baken luk rayeh idi luk isuut pana'.

NEHEMIA 11:1 Iomraidhean Croise

INUL LUK PUN-PUN 26:13

Anid-anid tetek ruma' luk masi' idi luk mula' nemili', pad ideh kali' sapeh tanga' luk uendeh nginita.

INUL LUK PUN-PUN 8:28

Idi amung ini lun rayeh bang tetek ruma'deh, idi inuldeh luk mebala luk tudo déi' Yerusalim.

INUL LUK PUN-PUN 9:1

Ngadan amung lun Israil pangeh inayud bang surat inul pupudeh. Idi amung ineh pangeh inayud bang Surat Raca'-Raca' Lun Israil. Idi lun Yahuda tiban iné' déi' Babil ngaceku sala'deh.

INUL LUK PUN-PUN 9:2

Idi lemulun luk punpun nelemubed iné' inan babpatdeh idi bang bawangdeh, ieh ineh sebuang lun Israil, sebuang imam, sebuang lun Liwi, idi sebuang lun luk ngakem bang Ruma' Allah.

INUL LUK PUN-PUN 9:3

Idi sebuang inul Yahuda, Beniamin, Epraim, idi Manasé iné' tudo déi' Yerusalim.

NEHEMIA 10:34

Kai, lun mula', imam, idi lun Liwi miak nala' udi anid-anid lak, pad kai miak kali' inul sapeh luk petulu maré kayuh ku ngeseb baré kuan Tuhan Allah kai maya' kudeng luk inayud bang Surat Ukum.

NEHEMIA 11:18

Idi inan 284 burur lun Liwi luk tudo bang bawang Yerusalim luk meligan.

NEHEMIA 4:22

Idi kebalaku kuan lun mula' kareb ineh teh, “Do' anid-anid lemulun idi lun dukenneh tudo tungé' Yerusalim anid alem, pad ideh matar netau medacem, idi maco ideh ngakem.”

NANI UBUR 122:5

Idi ieni teh raca'-raca' lun Israil netudo idi nemutut ukum kuan anak itinneh.

NANI UBUR 122:6

Sembayang mutuh do' udeng kuan bawang Yerusalim! “Nima' lemulun luk mawa namu uen ngeperuan!

BALE' 16:33

Lemulun nala' udi, iamo' Allah ineh luk mutut.

YESAYA 48:2

Iamo' muyuh pebala dengan medita' niat, “Kai lemulun rat bawang luk meligan, idi kai merapet inan Allah Israil, luk titen Tuhan luk Melalud.”

YESAYA 52:1

O Yerusalim, do' iko petuneb pad iko metueh idi rayeh teh! O bawang Allah luk Meligan, do' iko ngayung ku ayung luk do'! Lun luk na manu na miak semuet bang namu teh.

MATIUS 27:53

Ideh neremuat rat bang lengutan, idi pangeh Yésus netumui rat arang lun naté, idi ideh nesemuet bang Bawang luk Meligan idi megala' kuan lun mula'.

MATIUS 4:5

Idi Iblis nenguit Yésus semuet bang Bawang luk Meligan, idi nenganau' Neneh luun buduk Ruma' Allah,

KEKAMEN RASUL-RASUL 1:24

Idi ideh nesembayang, kesembayangdeh, “O Tuhan, Iko luk kali' niat amung-amung lemulun, do' mada' rat arang dueh burur ini, idéké luk pinili'Mu,

KEKAMEN RASUL-RASUL 1:26

Idi ideh nenala' udi kuan dueh burur ineh, idi Matias luk nekaneh pili' ineh. Idi ieh iniap dengan pulu' aceh rasul ineh.

YUSAK 18:10

Idi Yusak nenala' udi ngaceku ideh déi' Silo pa kiung Tuhan. Idi tana' ineh teh bibpat Yusak kuan anid-anid pupu lun Israil.