NEHEMIA 10:37 - BALA LUK DO'

³⁷ Kai miak nguit amé' matun imam-imam bang Ruma' Allah banak luk pinuar ratnan padé luk pun piranih anid-anid lak, idi amung baré luk baken ratnan abpa' anggur, umau saitun, idi bua' luk baken-baken teh. Kai miak nguit amé' matun lun Liwi luk ngamung babpat pulu' bang bawang kai, babpat pulu' ratnan tibu kai.

NEHEMIA 10:37 Iomraidhean Croise

INUL LUK KEDUEH 31:6

Idi amung lun luk tudo bang bawang-bawang Yahuda nenguit babpat pulu' ratnan sapi' idi dumba, idi teh ratnan amung binaweh luk pangeh linigan kuan Tuhan Allahdeh.

NEHEMIA 13:10

Idi teh ui kali' nelun Liwi idi lun luk menani bang Ruma' Allah pangeh neburo rat Yerusalim idi nenganau' lati' ngaceku lun Israil na nemaré petap akan.

NEHEMIA 13:12

Idi lun Israil nenguit babpat pulu'deh ratnan pade, abpa' anggur, idi umau saitun amé' bang su luk inan nganug repapeh bang Ruma' Allah.

NEHEMIA 13:5

Ieh nemaré ni Tobia makai aceh takep luk rayeh luk litep kuan su luk inan nganug padé idi umau luk do' buen, repapeh luk uen makai bang Ruma' Allah, baré kuan imam-imam, babpat pulu' ratnan padé, abpa' anggur, idi umau saitun luk biré kuan lun Liwi, lun luk menani, idi lun luk nginita Ruma' Allah.

NEHEMIA 13:9

Idi ui nengecuk nedeh ngeligan amung takep ineh idi ngelubed amung repapeh Ruma' Allah dengan baré padé, idi umau luk do' buen.

PURA' 13:12

idi na miak na muyuh maré inan Tuhan amung anak deléi luk atun. Idi teh amung anak deléi aya' muyuh luk atun, Tuhan kuan.

PURA' 13:2

“Ngeligan amung anak deléi luk atun kuanKu. Anid anak deléi lun Israil luk atun, idi anak pung luk atun pana', Ui luk kuan nedeh.”

UKUM 23:17

Idi do' muyuh nguit dueh balad ruti rat ruma' muyuh mangun ku aceh baré luk tidulen, ieh ineh inau' ratnan segatang banak. Do' ieh tinaken puar ku lamud mangun ku baré luk pun-pun kuan Tuhan.

MALAKI 3:10

Do' nguit amung babpat pulu' muyuh amé' bang Ruma' Allah pad inan akan bang Ruma'Ku. Nutun Negku, pad muyuh kali' Negku ngukab tanga' langit idi ngutang peruan kuan muyuh dengan mela.

MALAKI 3:8

KebalaKu, Petuluké selemulun naluk Allah? Na tu-tu! Iamo' muyuh naluk Negku Kudeng apeh? Ratnan babpat pulu' idi baré muyuh.

IAP 18:15

“Amung anak luk atun, ratnan lemulun idi aya'deh luk baréndeh Negku, miak kuan muyuh. Iamo' do' muyuh nguli' ineh.

IAP 18:18

Idi uangdeh kuan muyuh, dengan ruuk, idi tipan pa tinueh, ku baré luk tidulen.

IAP 18:21

“Idi kuan lun Liwi Ui pangeh nemaré amung babpat pulu' lun Israil ku babpatdeh, ku libal kekamendeh bang Lepo su luk inan papu' Tuhan.

SURAT LUK BIRE PAULUS KUAN LUN RUM 11:16

Iamo' kudeng sengeragam luk atun ineh biré kuan Tuhan, idi kudeng ineh teh tebalu' luk rayeh ineh pana' Tuhan kuan. Idi kudeng uat ineh biré kuan Tuhan, kudeng ineh teh angat-angatneh ineh pana' Tuhan kuan.

BADA' RATNAN UKUM 14:22

“Idi do' iko maré babpat pulu' anid lak ratnan amung uli' lati'mu.

BADA' RATNAN UKUM 18:4

Idi do' imam ngalap amung peranih luk atun ratnan padé muyuh, abpa' anggur muyuh pana', idi umau muyuh, idi amung buluh dumba muyuh luk binuting atun.

BADA' RATNAN UKUM 26:2

idi do' anid-anid burur muyuh ngalap sebuang ratnan bua' luk atun ratnan tana' muyuh. Idi ngerareng ineh bang tayen. Idi nguit ineh amé' su luk pilin Tuhan inan sembayang.