NEHEMIA 10:36 - BALA LUK DO'

³⁶ Kai miak nguit amé' matun imam-imam luk ngakem kuan Allah bang Ruma' Allah anak deléi kai luk atun, idi ideh barén kuan Allah, idi teh anak sapi', anak dumba, idi anak amék kai luk atun barén kuan Allah, maya' kudeng luk inayud bang Surat Ukum.

NEHEMIA 10:36 Iomraidhean Croise

INUL LUK KEDUEH 31:5

Idi kareb ideh nekali' bala ineh, idi lun Israil nenguit baré, ieh ineh padé, abpa' anggur, umau saitun, duru', idi amung uli' lati'deh, idi teh babpat pulu' ratnan luk amung-amung.

NEHEMIA 12:44

Kareb ineh ideh nengeletep tuda'-tuda' burur lemulun luk miak ngimet su luk inan nganug padé luk pun piranih, idi bua' luk pun melak, babpat pulu', idi baré luk baken kuan Ruma' Allah. Lemulun ini ngalap baré kuan imam-imam idi lun Liwi maya' kudeng luk icuk bang Ukum Musa, ratnan lati'-lati' luk muneng ku bawang-bawang rayeh. Amung lun Yahuda mawang niat inan imam-imam idi lun Liwi,

NEHEMIA 13:5

Ieh nemaré ni Tobia makai aceh takep luk rayeh luk litep kuan su luk inan nganug padé idi umau luk do' buen, repapeh luk uen makai bang Ruma' Allah, baré kuan imam-imam, babpat pulu' ratnan padé, abpa' anggur, idi umau saitun luk biré kuan lun Liwi, lun luk menani, idi lun luk nginita Ruma' Allah.

PURA' 13:2

“Ngeligan amung anak deléi luk atun kuanKu. Anid anak deléi lun Israil luk atun, idi anak pung luk atun pana', Ui luk kuan nedeh.”

PURA' 23:19

“Amung bua' luk pun ilap ratnan lati'mu do' nguit semuet bang ruma' Tuhan Allahmu. “Aleg iko nanek anak dumba kian amék ku rata tinanneh.

PURA' 34:19

“Idi amung anak deléi lemulun idi aya' luk atun ineh Ui kuan.

MALAKI 3:10

Do' nguit amung babpat pulu' muyuh amé' bang Ruma' Allah pad inan akan bang Ruma'Ku. Nutun Negku, pad muyuh kali' Negku ngukab tanga' langit idi ngutang peruan kuan muyuh dengan mela.

IAP 3:13

Ngaceku amung anak luk atun ineh babpatKu. Idi kareb acoKu nengaté amung anak luk atun déi' bawang Masir, kareb aco ineh teh Ui pangeh nengatad amung anak luk atun déi' Israil kuanKu, do' lemulun idi pung pana'. Ui ini Tuhan.”

GALATIA 6:6

Do' lemulun luk badén ku bada' Kristen maré babpat binawehneh kuan lemulun luk mada' neneh.

BADA' RATNAN UKUM 12:6

Idi su ineh teh do' muyuh nguit amung baré luk sabpen muyuh, baré luk kereten muyuh, babpat pulu', baré luk iten muyuh, baré luk pijani' muyuh, baré muyuh ratnan katu niat, idi amung anak sapi' idi dumba muyuh luk atun.