NEHEMIA 10:33 - BALA LUK DO'

³³ Luk miak barén kai kuan sembayang bang Ruma' Allah, ieh ineh: ruti luk biré, baré luk kenen, aya' ku baré luk sabpen anid-anid aco, baré luk sabpen kareb Aco luk inan Mudeng, idi Irau Bulan Baruh, idi aco rayeh luk baken, idi baré luk baken, idi baré ngaceku sala' lun Israil, idi anun-anun luk baken luk petulu kuan Ruma' Allah.

NEHEMIA 10:33 Iomraidhean Croise

INUL LUK KEDUEH 2:4

Ui pian mudut aceh ruma' sembayang pad ngerayeh ngadan Tuhan Allahku. Ieh ineh mangun ku su luk meligan inanku ngubur Neneh dengan anak itinku. Kai pian maré umau luk do' buen sabpen pa kungNeh, idi teh ruti ubur megéi' barén kai dengan baré luk sabpen kuanNeh anid pekak, anid alem, amung Aco luk inan Mudeng, amung Bulan Baruh, idi amung aco rayeh Tuhan Allah kai, maya' kudeng luk litep kuan lun Israil macing ruked-ruked.

PURA' 30:16

Do' ngalap usin ini kuan kekamen Tuhan ineh rat nelun Israil, idi maré ineh ngaceku kekamen bang Lepo su luk inan papu' Tuhan ineh. Ieh ineh usin uli' ulundeh, pad Ui ngerawé idi matar nedeh.”

KOLOSE 2:16

Ngaceku ineh aleg nima' seburur lemulun pana' ngesala' nemuyuh ngaceku ratnan akan idi luk rupen, idi ratnan aco luk rayeh, idi Bulan luk Mebaruh, idi Aco luk inan Mudeng.

IBERANI 10:11

Anid-anid burur imam lun Yahudi tuped anid-anid aco nganau' kekamendeh, idi megéi' maré luk kereten ineh teh, luk na tu-tu miak ngiu' sala' lemulun.