NEHEMIA 10:32 - BALA LUK DO'

³² Anid-anid lak kai miak maré aceh balad pirak luk isuut ku ngedengan kekamen Ruma' Allah.

NEHEMIA 10:32 Iomraidhean Croise

PUDUT 28:22

Idi batu ini luk pangeh tipedku ku aceh terawé ineh, miak mangun ku su inanku sembayang Namu. Idi ui miak maré kuanMu babpat pulu' ratnan anun-anun luk barénMu negku.”

INUL LUK PUN-PUN 26:27

Idi ratnan amung luk inarodeh kareb pebunu', ideh nemaré baré luk ku ngedo' Ruma' Allah.

NEHEMIA 13:15

Kareb ineh, ui nenier nelun Yahuda nengeradu' bua' anggur pad ngalap abpa'neh kareb Aco luk inan Mudeng. Idi teh lun baken nguit padé, abpa' anggur, bua' anggur, bua' gita', idi teh luk baken-baken luun keted keladaideh amé' Yerusalim. Ui nemebpeng nedeh na miak masui kareb Aco luk inan Mudeng ineh.

NEHEMIA 13:18

Ngaceku kekamen luk kudeng ineh, Allah nengukum tepun muyuh, kareb Ieh nengusag bawang ini. Iamo' muyuh ngacing useh Allah luk meluun rayeh kuan lun Israil ngaceku muyuh ngelutak Aco luk inan Mudeng.”

NEHEMIA 13:21

Ui nemada' nedeh, “Na ulekneh tudo nganét macing macang aco. Kudeng muyuh nganau' kudeng ini sekua' teh ui miak ngakem nemuyuh.” Rat pad sineh na ideh iné' kareb Aco luk inan Mudeng.

NEHEMIA 5:10

Ui nenima' nelun mula' ngabit usin idi padé pana' rat negku. Idi kudeng ineh teh lun rurumku idi lun dukenku. Idi rat pad sini do' tau na mupud baleh.

NEHEMIA 9:14

Iko nengecuk nedeh maya' Aco luk inan Mudeng, idi nemaré ukumMu dengan bala demulunMu Musa.

PURA' 23:11

Iamo' lak luk ketudu' aleg nganau' lati' idi kabun luun tana'mu ineh, pad lun luk masi' miak kuman luk mulun su ineh. Idi elaneh miak kenen pung luk meliput. Kudeng ineh teh kabun anggurmu idi saitunmu.

BALE' 3:9

Ngerayeh Tuhan idi mare baré Neneh ratnan uli' tana'mu luk meluun do',

2 KORINTUS 8:12

Kudeng muyuh mawang niat maré, Allah ngalap baré muyuh maya' kinula' binaweh muyuh, baken maya' luk na ilap muyuh.