NEHEMIA 10:31 - BALA LUK DO'

³¹ Kudeng ideh nguit padé idi anun-anun luk baken luk pisuen kuan kai kareb Aco luk inan Mudeng idi aco baken luk meligan, idi na kai miak melih rat nedeh. Anid-anid lak luk ketudu' kai na miak nganau' lati', idi kai miak ngagka' amung baleh lun baken.

NEHEMIA 10:31 Iomraidhean Croise

INUL LUK KEDUEH 36:21

Kudeng ineh lawéneh bala Tuhan luk bida' Yeremia pangeh icing: ieh ineh, “Tana' ini na ruen ku lati' tudu' ngepulu' lak kinioneh ku libal lak luk inandeh na ucu' nganau' lati'.”

NEHEMIA 13:23

Kareb ineh teh ui nekali' mula' lun Yahudi pangeh nengalap decur ku awandeh rat Asdod, Amon, idi Moab.

NEHEMIA 13:27

Petuluké kai maya' lawé muyuh luk dat, pad kai ngelaba bala Allah idi ngaweh decur ratnan pupu baken?”

PURA' 12:16

Idi kareb aco luk pun-pun, idi aco luk ketudu' pana', inan tebubpun sembayang. Bang aco sineh na muyuh miak ngakem. Iamo' anun luk kenen miak ruen muyuh.

PURA' 20:10

Iamo' aco luk ketudu' ineh, ieh ineh aco luk inan Tuhan Allahmu nudeng. Kareb aco ineh aleg iko ngakem, do' iko, anakmu, idi lun tebarinmu, aya'mu, idi lun sakai luk tudo bang bawangmu.

PURA' 34:16

Idi kudeng anak deléimu ngaweh decur pupu ineh, kali rungen ideh nguit nedeh maya' allahdeh, pad ideh na lutep maya' Negku.

YESAYA 58:6

“Kudeng ini lawéneh mawa' luk pianKu: Neka kaling dereh idi paga' ukum luk na mesiri; idi muit lemulun luk pidereh.

UKUM 16:29

“Idi ini mangun ku aceh ukum kuan muyuh macing ruked-ruked. Idi kareb pulu' aco bulan luk ketudu' ineh do' ngebeneh burur muyuh idi mawa' na kuman. Aleg muyuh nganau' anun-anun, do' muyuh luk kuan bawang, idi lun sakai luk tudo arang muyuh pana'.

UKUM 23:21

Idi kareb aco ineh teh do' nganau' aceh tebubpun rayeh, ieh ineh aceh tebubpun sembayang kuan muyuh, idi na ngakem, mepad kudeng Aco luk inan Mudeng. Ieh ineh aceh dalan luk meruked kuan inul muyuh iapeh-iapeh pana' su luk inandeh.

UKUM 23:3

Anem aco kinioneh muyuh miak ngakem, iamo' aco luk ketudu' muyuh ngato erur muyuh pa kiung Tuhan, su luk inan amung muyuh tudo. Ieh ineh Aco luk inan Mudeng kuan aceh tebubpun sembayang. Idi kekamen anun-anun pana' aleg muyuh nganau'.

MATIUS 6:12

Maré do' ratnan amung sala' kai, mepad kudeng kai pangeh nemaré do' ratnan amung sala' dulun.

KOLOSE 2:16

Ngaceku ineh aleg nima' seburur lemulun pana' ngesala' nemuyuh ngaceku ratnan akan idi luk rupen, idi ratnan aco luk rayeh, idi Bulan luk Mebaruh, idi Aco luk inan Mudeng.

YAKUB 2:13

Ngaceku Allah na méi' kareb Ieh ngukum lemulun luk na méi'; iamo' éi' ineh meluun rayeh ratnan ukum.