NEHEMIA 10:28 - BALA LUK DO'

²⁸ Kai, lun Israil, lun imam-imam, lun Liwi, lun luk nginita Ruma' Allah, lun luk menani bang Ruma' Allah, lun luk ngakem bang Ruma' Allah, idi amung lun baken luk maya' Ukum Allah, pangeh nepatad rat nelun pupu baken luk tudo bang bawang kai, idi teh dengan decur kai idi anak kai luk petap rayeh kali' ilungneh,

NEHEMIA 10:28 Iomraidhean Croise

ESRA 2:70

Idi amung imam, lun Liwi, idi sebuang rat nelun mula' ineh tudo déi' Yerusalim idi libut bawang ineh. Idi amung lun luk menani, lun luk nginita tanga', idi lun luk ngakem bang Ruma' Allah, tudo bang bawang luk muneng. Idi lun Israil luk baken nelemubed iné' bang bawangdeh sebuleng.

ESRA 6:21

Idi amung baré ineh kuan lun Israil luk tiban luk pangeh nuli', idi lun luk pangeh nenecan kekamen lun pupu baken luk bang bawang ineh, pad nakap Tuhan Allah lun Israil.

NEHEMIA 13:3

Kareb lun Israil neninger ukum ineh uen maca' idi ideh nengecuk amung lun pupu baken buro rat arangdeh.

NEHEMIA 8:2

Idi Esra nengalap neneh idi nenguit neneh kuan deléi, decur, idi anak luk petap rayeh kali' ilungneh.

NEHEMIA 9:2

Idi amungdeh pangeh nepatad rat nelun pupu baken. Idi teh ideh netuped ngamo sala'deh idi sala' tepundeh pana'.

NANI UBUR 47:7

Allah ineh raca' aput-aput tana'; ngubur Neneh dengan nani!

LUN LUK MADA' 5:2

Ngerawé kareb nateh iko pebala, idi aleg pejani' mo'-mo' pa kiung Allah. Ieh luk déi' surga, idi iko luk luun tana'. Ngaceku ineh aleg iko pelaba ula' buri'.

YEREMIA 4:2

idi muyuh miak pebulung ku ngadanKu dengan niat luk mesiri idi luk matu. Amung pupu miak ngubur Negku idi mutuh Negku ngeperuan nedeh.”

UKUM 20:24

Iamo' jani'Ku nemuyuh, ‘Muyuh miak ngalap bawang ini luk mebaleng luk barénKu nemuyuh. Ui ini Tuhan Allah muyuh luk pangeh ngatad nemuyuh ratnan amung pupu luk baken.

SURAT LUK BIRE PAULUS KUAN LUN RUM 1:1

Rat negku Paulus, demulun Yésus Keristus, seburur rasul luk pinili' idi tinawar Allah pad mada' BalaNeh luk Do'.