NEHEMIA 1:9 - BALA LUK DO'

⁹ Iamo' kudeng muyuh lumi Negku idi maya' amung ukumKu, Ui miak ngamung nemuyuh luk pangeh pitad macing iring tana', idi nguit nemuyuh muli' amé' inan bawang luk pinili'Ku mangun ku su luk inan lemulun sembayang Negku.’

NEHEMIA 1:9 Iomraidhean Croise

RACA'-RACA' LUK PUN-PUN 8:48

Idi kudeng ideh uren matu-matu bang bawang ineh idi sembayang Namu sium pa bawang luk pangeh biréMu kuan tepundeh, ieh ineh bawang luk pinili'Mu, idi Ruma' ini luk pinudutku kuanMu,

RACA'-RACA' LUK PUN-PUN 9:3

Idi kebala Tuhan neneh, “Ui pangeh neninger sembayangmu. Idi Ui pangeh nengeligan Ruma' luk pinudutmu ineh, mangun ku luk inan sembayang Negku macing ruked-ruked. Ui miak ngasa' idi matar ineh ruked-ruked.

INUL LUK PUN-PUN 16:35

Do' pebala Neneh, “Ngulun nekai, O Allah luk nengulun nekai; Ngamung nekai idi muit nekai rat nelun pupu baken, pad kai miak ngubur ngadanMu luk meligan, idi maré ubur Namu dengan mawang niat.”

ESRA 6:12

Idi do' Allah luk nemili' Yerusalim ku su luk inan lemulun sembayang Neneh nala' amung raca' idi pupu luk ngisu' ukum ini idi luk nutun ngedat Ruma' Allah luk déi'. Idi ui ini Darius pangeh nemaré bala ini. Do' ieh bén dengan meriput.”

NANI UBUR 106:47

Ngulun nekai, O Tuhan Allah kai, idi nguit nekai lemubed rat arang pupu baken, pad kai ngubur ngadanMu luk meligan, idi maré ubur Namu dengan mawang niat.

NANI UBUR 107:3

Ieh nemuit nemuyuh ratnan bunu'muyuh, idi nenguit nemuyuh muli' rat bawang baken, rat pa busat aco, rat pa acep aco, rat pa tinueh busat aco, idi rat pa kabing busat aco.

NANI UBUR 147:2

Tuhan mudut bawang Yerusalim baruh; Ieh nguit lun Israil luk tiba lemubed;

YESAYA 11:12

Ieh miak naped aceh bedéra kuan amung pupu, idi Ieh miak ngamung nelun Israil luk pangeh tiban idi lun Yahuda luk pangeh pitad, rat iring tana'.

YESAYA 27:12

Kareb ineh Tuhan miak ngukum pupuNeh Israil, rat selipa bawang macing selipa, ieh ineh rat Abpa' Pirat macing lakan tana' bawang Masir. Ieh miak ngatad luk do' ratnan luk dat.

YESAYA 56:8

Tuhan Allah luk nenguit pupuNeh Israil luk tiban muli' pangeh nepejani' nguit pupu baken pad perurum nedeh.

YEREMIA 12:15

Iamo' kareb Ui ngalap nedeh idi Ui miak méi' nedeh. Ui miak nguit anid pupu lemubed amé' inan tana' idi bawangdeh sebuleng.

YEREMIA 3:14

“ ‘O pupu luk na lutep, do' muyuh lemubed amé' Negku, ngaceku Ui ini Tuhan muyuh. Ui miak ngalap seburur muyuh rat anid bawang, idi dueh burur ratnan anid pupu, idi Ui miak nguit nemuyuh lemubed amé' Pegkung Sion.

YEREMIA 31:10

Amung pupu, ninger balaKu, ieh ineh Tuhan. idi mada' balaKu déi' bawang luk mado! Ui ini, luk nengatad nelun Israil, miak ngamung nedeh idi matar nedeh mepad kudeng lemulun luk matar sengeriudan dumbaneh.

YEREMIA 32:37

Ui pian ngamung amung-amung pupu rat anid-anid bawang luk inanKu nematad nedeh dengan useh idi gatehKu. Idi Ui sikal nguit nedeh muli' amé' bawang ini, pad ideh do' udeng.

YEREMIA 6:22

Kebala Tuhan, “Inan aceh pupu luk macing rat pa tinueh busat aco, ieh ineh rat aceh bawang rayeh luk temina' amé' pebunu'.

YEHISKIEL 14:6

“Do' pebala nelun Israil: Kudeng ini bala Tuhan Allah, ‘Do' muyuh uren idi teketed ratnan akang muyuh idi kekamen muyuh luk dat.’

YEHISKIEL 36:24

Ui miak ngalap nemuyuh rat arang anid pupu idi rat bang anid bawang, idi nguit nemuyuh muli' amé' bang bawang muyuh sebuleng.

UKUM 26:3

“Kudeng muyuh nginita ukumKu idi maya' balaKu,

SEKARIA 8:7

Ui miak ngulun pupuKu luk rat bawang luk pa busat aco idi pa acep aco,

MATIUS 24:31

Idi Ieh sikal ngecuk melaikat-melaikatNeh dengan serupit luk rayeh uni, pad ideh ngamung lun luk pinili'Neh ratnan apat busat bui, ieh ineh rat iring langit pad macing iring selipa.

BADA' RATNAN UKUM 12:21

Idi kudeng su luk pilin Tuhan Allah muyuh inan sembayang mado rat su inan muyuh, miak muyuh ngeret ratnan sapi' idi dumba muyuh luk biré Tuhan nemuyuh, kenen su luk inan muyuh tudo maya' pian niat muyuh mepad kudeng luk bida'ku nemuyuh.

BADA' RATNAN UKUM 12:5

Iamo' do' muyuh amé' su luk pilin Tuhan Allah muyuh ratnan babpat amung inul pupu muyuh. Ngaceku Ieh miak ngeletep ngadanNeh idi tudo ieneh.

BADA' RATNAN UKUM 30:1

“Ui nima' nemuyuh mili' arang peruan dengan kediman. Idi kareb amung ini mangun kuan muyuh, bang bawang luk inan muyuh tebawang arang amung pupu, su luk inan muyuh pangeh pitad Tuhan Allah muyuh, idi muyuh miak ngerawé luk bilaku.