NEHEMIA 1:7 - BALA LUK DO'

⁷ Kai mesala' pa kiungMu, ngaceku kai na nemaya' ukum, bada', idi dalan luk biréMu ini Musa, demulunMu ineh.

NEHEMIA 1:7 Iomraidhean Croise

RACA'-RACA' LUK PUN-PUN 2:3

idi nganau' amung luk duken Tuhan Allahmu idi maya' amung bala idi ukumNeh, petulu ku amung-amung luk inayud bang Surat Ukum Musa, pad iko uen ngeperuan bang amung-amung luk ruenmu, idi amung lawému,

INUL LUK KEDUEH 25:4

Iamo' na ieh nengaté anak-anakdeh ineh. Iamo' ieh nemaya' luk icuk Tuhan bang ukum Musa, “Idi tamandeh na miak pitayen ngaceku anakdeh, idi anak pana' na miak pitayen ngaceku tamandeh. Iamo' anid-anid burur miak pitayen ngaceku sala'deh sebuleng.”

INUL LUK KEDUEH 27:2

Idi ieh nenganau' luk do' pa kiung Tuhan maya' amung kekamen tamanneh Usia — Iamo' na ieh nesemuet bang Ruma' Allah. Iamo' lun mula' na ugka' nganau' luk dat.

ESRA 7:6

Idi Esra ineh seburur luk mileh ngelio ukum Musa luk pangeh biré Tuhan Allah lun Israil. Idi raca' nemaré kuanneh amung luk pianneh, ngaceku Tuhan Allahneh nengeperuan neneh. Idi Esra nenalan rat bawang Babil iné' Yerusalim,

NANI UBUR 106:6

Kai idi tepun kai pangeh nenganau' sala'; kai neraruh idi nenganau' luk dat.

NANI UBUR 89:31

kudeng ideh ngelaba balaKu, idi na maya' ecukKu,

NANI UBUR 89:32

Ui miak ngukum nedeh ku sala'deh, idi mabpet nedeh ku datdeh.

YESAYA 1:4

O pupu luk mesala'. O muyuh luk dat idi tekilu', muyuh miak kumin! Sala' muyuh ngeraruh nemuyuh! Muyuh pangeh nenecan Tuhan Allah lun Israil luk meligan, idi muyuh neteketed rat Neneh.

DANIEL 9:11

Amung lun Israil nengelaba ukumMu idi ara' ninger balaMu. Kai nenganau' sala' pa kiungMu, idi Iko nengacing kediman luk inayud bang Surat Ukum demulunMu Musa kuan kai.

DANIEL 9:13

Kai nengalap amung ukum luk ginala' bang Surat Ukum Musa. Idi macing nekini pana', O Tuhan Allah kai, kai na maya pianMu, idi kai na lumi ratnan sala' kai pad kai maya' luk matu.

HOSIA 9:9

Amung kekamendeh pelaba dat, mepad kudeng déi' Gibia. Allah ngerawé sala'deh idi sikal ngukum nedeh.

UKUM 27:34

Idi amung ini bada' Tuhan luk biréNeh kuan Musa déi luun Pegkung Sinai luk uen ngacing kuan amung lun Israil.

SEPANIA 3:7

Pangeh ineh Ui nengerawé pupuKu ineh sikal matot Negku, idi ngalap bada'Ku. Ui nengerawé nedeh na mekelupan luk bida'Ku nedeh. Iamo' na mio teh ideh mepad dat kudeng luk atun.”

MALAKI 4:4

“Do' ngerawé bada' demulunKu Musa, ieh ineh amung ukum luk biréKu neneh déi' luun Pegkung Sinai, luk miak bén amung pupu lun Israil.

BADA' RATNAN UKUM 4:1

Kebala Musa nelun mula', “O lun Israil, do' muyuh maya' amung ukum luk bida'ku nemuyuh, pad muyuh miak mulun idi tebawang bang bawang luk biré Tuhan Allah tepun muyuh nemuyuh.

BADA' RATNAN UKUM 4:5

“Idi ui pangeh nemada' nemuyuh amung ukum maya' kudeng luk icuk Tuhan Allahku negku, pad muyuh miak nganau' luk matu, kareb muyuh semuet bang bawang luk inan muyuh miak tebawang.

BADA' RATNAN UKUM 5:1

Idi Musa nengamung amung lun Israil, idi kebalaneh nedeh, “Ninger muyuh, O lun Israil, amung bada' ratnan ukum luk belénku nemuyuh aco sini. Idi do' muyuh nginita amung ineh idi maya' ineh.

BADA' RATNAN UKUM 6:1

“Idi ini amung ukum luk pangeh icuk Tuhan Allah muyuh negku badén nemuyuh, pad muyuh maya' ineh bang bawang luk inan muyuh tebawang,

BALA LUK LINIO 19:2

Amung-amung ukumNeh ineh matu idi mesiri! Ieh pangeh nengukum decur luk pelaba sawa' ineh, luk nengeraruh tana' ini ku sawa'neh ineh. Allah pangeh nengukum neneh ngaceku ieh nengaté demulun-demulunNeh kusawa' ineh.”