NEHEMIA 1:6 - BALA LUK DO'

⁶ Do' iko ngaten lalid idi matehMu, idi ninger sembayang demulunMu, luk sembayang pa kiungMu tebaco kedangan idi mutuh kuan demulunMu, lun pupu Israil, pad kai ngamo sala' kai Namu. Ngaceku amung uang tetek ruma' tepun kai pangeh menganau' sala'.

NEHEMIA 1:6 Iomraidhean Croise

RACA'-RACA' LUK PUN-PUN 8:30

Do' ninger putuhku idi putuh pupuMu lun Israil kareb ideh sembayang bang Ruma' ini. Ninger rat déi' surga su luk inanMu tudo, idi maré do' ratnan sala' kai.

RACA'-RACA' LUK PUN-PUN 8:47

do' Iko ninger sembayang pupuMu ineh. Idi kudeng bang bawang ineh ideh uren, idi sembayang idi ngamo sala' idi kekamendeh luk dat, do' ninger sembayangdeh O Tuhan.

INUL LUK KEDUEH 28:10

Idi nekini muyuh pian ngebeneh inul Yahuda idi lun bang bawang Yerusalim mangun ku demulun muyuh. Idi muyuh pana' inan sala' pa kiung Tuhan Allah muyuh.

INUL LUK KEDUEH 29:6

Ngaceku rayeh sala' tepun tau. Pangeh ideh nenganau' luk dat pa kiung Tuhan Allah tau. Idi teh ideh nenecan Allah, idi nelumi ratnan su luk inan Tuhan mudeng.

INUL LUK KEDUEH 6:40

“Idi nekini, O Allahku, do' Iko nier negku idi ninger putuh sembayangku bang Ruma' ini.

ESRA 10:1

Idi laba' Esra tekeradung idi sembayang dengan nangi' idi ngamo sala' pa atun Ruma' Allah, mula' lun deléi, decur, idi anak-anak rat nelun Israil, nepamung neneh idi nenangi'.

ESRA 10:11

Iamo' nekini do' muyuh ngamo sala' pa kiung Tuhan Allah tepun muyuh, idi do' muyuh nganau' luk pinianNeh. Idi ngado burur muyuh ratnan pupu bawang ini, idi ratnan decur pupu baken.”

NEHEMIA 1:11

O Tuhan, ninger sembayangku, idi sembayang amung demulunMu luk matot ku ngadanMu. Idi maré peruan negku bang aco sini, idi ngegio niat raca' pad ieh méi' negku.”

NANI UBUR 102:17

Ieh miak ninger tawar pupuNeh luk tican, idi ngua' sembayangdeh.

NANI UBUR 106:6

Kai idi tepun kai pangeh nenganau' sala'; kai neraruh idi nenganau' luk dat.

NANI UBUR 130:2

Ninger tangi'ku, O Tuhan, idi ninger tawarku mutuh pedengan!

NANI UBUR 32:5

Idi ui nengamo sala'ku Namu; na ui nengalum kekamenku luk dat. Terawéku, “Ui sikal ngamo sala'ku kuan Tuhan,” idi Ieh nemaré do' ratnan amung-amung kekamenku luk dat.

NANI UBUR 34:15

Tuhan nier lemulun luk matu, idi ninger tawardeh;

NANI UBUR 55:17

Ui ngarod idi mada' susa'ku pa kiungNeh kareb pekak, muned aco idi medacem teh, idi Ieh miak ninger arodku.

NANI UBUR 88:1

Tuhan Allah, Lun Nengulun negku, ui nawar tebaco-tebaco, kareb medacem pana' ui amé' matun Namu.

YESAYA 6:5

Kebalaku, “Ui na inan rapet! Ui miak kumin! Amung bala luk lemaba bibir tangku mesala', idi ui tudo arang aceh pupu luk megéi pebala luk mesala'. Idi nekini dengan matehku sebuleng ui pangeh nenier Raca', ieh ineh Tuhan luk Melalud!”

TIDO YEREMIA 5:7

Tepun kai nenganau' sala' idi naté, iamo' kai medereh ngaceku sala'deh.

DANIEL 9:15

“O Tuhan Allah kai, Iko nengegala' laludMu kareb Iko nenguit pupuMu remuat rat bang bawang Masir, idi macing nekini kai ngerawé laludMu. Kai pangeh nenganau' sala'. Kai pangeh nenganau' luk dat.

DANIEL 9:20

Ui uned sembayang idi ngamo sala'ku idi sala' pupuku Israil, idi ui nemutuh Tuhan Allahku ngedo' ruma'Neh.

DANIEL 9:4

Ui nesembayang inan Tuhan Allahku idi nengamo amung sala' pupuku. Kesembayangku, “O Tuhan Allah, Iko luk rayeh idi luk buren kai. Iko luk lutep maya' jani'Mu, idi megéi ngegala awaMu luk lutep kuan lemulun luk mawa Namu idi luk maya' amung-amung ukumMu.

DANIEL 9:5

“Kai pangeh nenganau' sala'; kai nenganau' luk dat idi neraruh. Kai pangeh nengelaba ukumMu, idi nelemubed ratnan luk bida'Mu nekai.

DANIEL 9:8

O Tuhan raca'-raca' kai, lun ngimet nekai, idi tepun kai pangeh nenganau' luk dat idi mesala' pa kiungMu.

LUKAS 18:7

Naké Allah miak, ngedengan anid-anid lemulun luk pinili'Neh luk nawar Neneh tebaco kedangan? Miakké Ieh nginiuk ngedengan nedeh?

LUKAS 2:37

idi ieh tinula' ualuh ngepulu' apat lak kinioneh. Idi na ieh nenecan Ruma' Allah, iamo' tebaco kedangan ieh sembayang nan Allah dengan mawa' idi mutuh ratnan Allah.

EPESUS 2:3

Setuneh atun amung tau mepad kudeng ideh. Tau mulun maya' pinian burur tau, idi nenganau' anun-anun luk petulu dengan terawé tau. Idi tau pangeh nekaneh useh Allah mepad kudeng lun baken ineh teh.

1 TIMOTIUS 5:5

Idi decur luk tinula' matu idi luk ketecan sebuleng, do' ieh merapet inan Allah idi lutep bang sembayang idi putuhneh tebaco kedangan.

2 TIMOTIUS 1:3

Ui ngubur Allah luk inanku mepicet dengan teruayen niat luk meligan maya' kudeng kekamen tepunku, idi dengan na melawa' ui ngerawé namu bang sembayangku tebaco kedangan.

1 YAHYA 1:9

Iamo' kudeng tau ngamo amung-amung sala' tau, idi Allah ineh lutep idi matu, pad Ieh maré do' ratnan amung-amung sala' tau, idi maru' netau ratnan amung-amung luk dat.

SEMUIL LUK PUN-PUN 15:11

“Ui nginuud ngaceku i Saul pangeh kinikitKu ku raca'. Ngaceku ieh nelemubed rat Negku, idi na maya' balaKu.” Idi Semuil pelaba susa' niat. Idi ieh nengitang nawar Tuhan kedangan-kedangan ineh.