NEHEMIA 1:4 - BALA LUK DO'

⁴ Kareb ui neninger bala ini, idi ui netudo idi nenangi'. Idi ui netemido tuda'-tuda' aco. Idi ui mawa' na kuman idi nesembayang pa kiung Allah Surga,

NEHEMIA 1:4 Iomraidhean Croise

SEMUIL LUK KEDUEH 12:16

Idi Daud nemutuh Allah ngedo' anak ineh. Idi ieh mawa'; idi anid alem ieh nesemuet bang takepneh idi tekulub luun tana' kedangan-kedangan.

RACA'-RACA' LUK KEDUEH 22:19

Idi iko nuren idi nengebeneh bururmu pa kiungKu dengan nangi' idi nenarak ayungmu, kareb iko neninger amung bala ratnan kudeng apeh Ui ngukum Yerusalim idi amung lun bang bawang ini. Idi Yerusalim miak mangun ku aceh luk inan lun matot idi luk ku kediman. Iamo' Ui pangeh neninger sembayangmu,

INUL LUK KEDUEH 6:13

(Selimun pangeh nenganau' aceh su luk inan tuped ratnan tekaling luun uned natad ineh, kadangneh 8 kaki, pipangneh 8 kaki, idi dita'neh 5 kaki. Idi ieh netuped luun ineh. Idi ieh netekeradung siren amung-amungdeh. Idi ieh nengegenang ticu'neh).

ESRA 1:2

“Kudeng ini bala Kores raca' Parsi: Tuhan Allah Surga pangeh nemaré negku amung imet luk luun tana'. Idi pangeh Ieh nengecuk negku mudut aceh Ruma' kuanNeh déi' Yerusalim luk bang tana' Yahuda.

ESRA 10:1

Idi laba' Esra tekeradung idi sembayang dengan nangi' idi ngamo sala' pa atun Ruma' Allah, mula' lun deléi, decur, idi anak-anak rat nelun Israil, nepamung neneh idi nenangi'.

ESRA 9:3

Kareb ui neninger bala ini, idi ui nenarak ayungku, idi ui nemubput abpukku idi buluh adaku, idi ui netudo dengan dat niat.

ESRA 9:5

Idi kareb ideh nemaré baré malem, ui netumui ratnan mawa', dengan ayungku lun nedarak. Idi ui netekeradung. Idi ui nengegenang ticu'ku idi nesembayang inan Tuhan Allahku,

NEHEMIA 2:20

Idi ui nengor baladeh, “Allah Surga miak ngeperuan nekai, idi kai luk demulunNeh miak mudut libung ineh, iamo' muyuh na babpat, idi na lalud, idi na miak teruayen déi' Yerusalim.”

NEHEMIA 2:4

Idi kebala raca' negku, “Anun luk pianmu negku?” Idi ui nesembayang inan Allah Surga.

NANI UBUR 102:15

Amung pupu miak matot inan Tuhan; amung raca' bang tana' ini miak matot ku laludNeh.

NANI UBUR 136:26

Maré ubur kuan Allah Surga; idi awaNeh meruked.

NANI UBUR 137:1

Kareb tau netudo tangeb Abpa' Babil, tau nenangi' kareb tau nengerawé Sion.

DANIEL 10:2

Kareb ineh, ui ini Daniel mesusa' niat kinio teluh minggu.

DANIEL 2:18

Ieh nengecuk nedeh sembayang mutuh Allah Surga méi' nedeh idi mada' nedeh ratnan luk inalum pad ideh na pitayen dengan lun baken luk mileh déi' Babil.

DANIEL 9:3

Idi ui nesembayang inan Tuhan Allah, idi nemutuh rat Neneh, idi mawa' na kuman, idi nenacung, idi tudo luun abuh.

YUNUS 1:9

Idi keburi' Yunus, “Ui ini lun Iberani, ui sembayang inan Tuhan Allah déi' Surga, luk nenganau' abpa' idi tana'.”

SEPANIA 3:18

idi awang niatNeh mepad kudeng awang niat lemulun kareb irau. Kebala Tuhan, “Ui pangeh nengagka' bala ratnan ukummu, idi pangeh nenala' igu'mu.

SURAT LUK BIRE PAULUS KUAN LUN RUM 12:15

Do' mawang niat dengan lemulun luk mawang niat, idi nangi' dengan lemulun luk nangi'.