NEHEMIA 1:3 - BALA LUK DO'

³ Idi kebaladeh negku, “Lun luk neketecan bang bawang ineh luk nepuit ratnan bawang luk inandeh tiban ineh, ideh ineh pelaba susa' idi migu'. Idi teh libung luk meraben déi' Yerusalim pangeh tibpa idi amung tanga'neh pana' iseb.”

NEHEMIA 1:3 Iomraidhean Croise

RACA'-RACA' LUK PUN-PUN 9:7

kali' rungen Ui nala' nelun Israil rat bang bawang luk pangeh biréKu kuandeh, idi Ruma' ini luk pangeh liniganKu mangun ku luk inan sembayang Negku, pad lun pupu baken miak situnga nan Israil aput-aput tana'.

RACA'-RACA' LUK KEDUEH 25:10

Idi amung libung bawang ineh tibpa bawehneh.

INUL LUK KEDUEH 36:19

Idi ieh nengeseb Ruma'Allah, idi nengusag libung Yerusalim dengan amung ruma' raca', idi repapeh luk meraga.

ESRA 2:1

Mula' lun luk tiban nenecan bawang Babil idi nuli' iné' bang bawangdeh déi' Yerusalim idi Yahuda. Tepundeh pangeh tiban Raca' Nebukadnesar; idi amungdeh ineh tudo déi' Babil. Iamo' nekini ideh muli'.

ESRA 5:8

Petulu iko kali' ratnan kai ini pangeh iné' tana' Yahuda idi nenier Ruma' Allah luk meluun rayeh. Idi Ruma' ineh piduten baruh ratnan batu rayeh. Idi amung aladneh binuun ku kayuh. Idi ideh mekél nganau' kekamen ineh dengan mesaget.

NEHEMIA 11:3

Bang bawang luk baken, lun Israil, imam-imam, lun Liwi, lun luk nginita Ruma' Allah, idi inul demulun Selimun tudo bang bawangdeh sebuleng, idi luun tana'deh sebuleng. Ini ngadan lun rayeh luk rat bawang Yahuda luk tudo déi' Yerusalim:

NEHEMIA 2:13

Idi ui neremuat maya' Tanga' Ruan macing Subuk Galau idi Tanga' Téi', idi ui nenier libung Yerusalim luk pangeh tibpa idi teh amung tanga'neh luk pangeh iseb.

NEHEMIA 2:17

Idi kebalaku nedeh, “Muyuh kali' susa' tau ratnan Yerusalim pangeh inusag idi tanga'neh pangeh iseb. Do' tau mudut libung luk meraben déi' Yerusalim pad tau na migu'.”

NEHEMIA 2:3

Idi kebalaku kuan raca', “Do' raca' mipu ulun! Kali' rungen ui dat niat, ngaceku bawang su luk inan tanem tepunku inusag, idi tanga' bawang pana' pangeh iseb.”

NEHEMIA 7:6

Mula' lemulun rat bawang Yahuda pangeh nuli' rat bawang su luk inandeh tiban Nebukadnesar, raca' Babil. Anid-anid bururdeh nuli' iné' bawangneh sebuleng, ieh ineh Yerusalim idi bawang baken luk déi' Yahuda.

ESTER 1:1

Idi Ahasuiras ineh raca'. Idi kerusi raca' Parsi ineh déi Susa. Ieh ngimet 127 bawang rat India macing Sudan.

NANI UBUR 79:4

Pupu luk baken luk libut kai situnga nekai; ideh meriruh idi situnga nekai.

BALE' 25:28

Kudeng iko na miak ngimet usehmu, iko melaya' mepad kudeng aceh bawang luk malé uen ngaro ngaceku na libung.

YESAYA 43:28

Lun luk ngimet namu nengelutak su inanKu luk meligan, pad Ui ngacing usag kuan Israil, Ui nenima' pupuKu sebuleng uen ngedat.”

YESAYA 5:5

“Ini luk ruenKu kuan kabun anggurKu. Ui mubput tibu luk pekelibut, idi ngusag ar luk ngelibung neneh, pad pung luk meliput miak kuman bua'neh idi ngeradu' neneh.

YEREMIA 24:9

Ui miak ngacing ukum luk dat kuandeh, pad amung pupu bang tana' ini miak matot. Lemulun miak situnga nedeh, meriruh nedeh, idi ngedat nedeh, idi ngadandeh tetanendeh ku kediman bang amung bawang luk inanKu nengatad nedeh.

YEREMIA 29:18

Ui miak ngeradu' nedeh idi ngacing bunu', lau, idi ét kuandeh, pad amung pupu bang tana' ini miak megagap ku ideh. Iapeh-iapeh pana' luk inanKu ngatad nedeh, lun baken miak megagap idi matot, ngaceku luk pangeh nangun kuandeh. Ideh miak situnga nedeh idi neten ngadandeh ku kediman.

YEREMIA 39:8

Idi teh lun Babil nengeseb ruma' raca' idi ruma'-ruma' lun mula'. Idi ideh nengusag amung libung batu Yerusalim.

YEREMIA 42:18

“Kebala Tuhan Allah lun Israil, ‘Mepad kudeng useh idi gatehKu inutang kuan lun Yerusalim, kudeng ineh teh usehKu miak uen ngutang kuan muyuh, kudeng muyuh amé' Masir. Muyuh mangun ku aceh luk inan megagap. Lun baken miak situnga nemuyuh, idi ideh neten ngadan muyuh ku kediman. Idi muyuh na miak nier bawang ini teh.’ ”

YEREMIA 5:10

Ui miak ngecuk bunu'deh nebpeng anggurdeh, iamo' na miak ngaté nedeh amung. Idi Ui ngecuk nedeh nangal angatdeh, ngaceku ineh baken Ui kuan.

YEREMIA 52:14

Idi lun pebunu'neh nengusag amung libung batu bawang ineh.

TIDO YEREMIA 1:7

Yerusalim ngerawé uburneh luk mon, kareb nateh ieh inusag. Kareb ieh nebpeh bang palad bunu'neh na luk ngedengan neneh. Lun luk nengelaya' neneh meriruh ku ebpehneh.

TIDO YEREMIA 2:9

Tanga'neh nepapen ku usagneh, idi palin-palindeh neputul. Raca' idi lun rayehdeh pangeh tiban. Ukum Musa na badén, idi na luk siren nabi-nabi ratnan Allah.

TIDO YEREMIA 3:61

“O Tuhan, Iko neninger nedeh ngedat negku idi kali' gayamdeh.

TIDO YEREMIA 5:1

O Tuhan, do' ngerawé susa' kai, idi nier igu' kai.

UKUM 26:31

Idi amung bawang muyuh uenKu mangun dat ali, idi amung su luk inan muyuh sembayang ineh uenKu ngusag. Idi na Ui sikal muen buen luk do' ruen muyuh kuanKu.

UKUM 26:33

Idi muyuh sebuleng pana' uenKu ngatad parap-parap rat arang pupu baken, idi Ui munu' nemuyuh. Idi tana' muyuh mangun dat ali idi bawang muyuh uen ngusag.