NEHEMIA 1:11 - BALA LUK DO'

¹¹ O Tuhan, ninger sembayangku, idi sembayang amung demulunMu luk matot ku ngadanMu. Idi maré peruan negku bang aco sini, idi ngegio niat raca' pad ieh méi' negku.”

NEHEMIA 1:11 Iomraidhean Croise

PUDUT 24:42

“Kareb ui nacing iring subuk ineh aco sini, idi ui nesembayang, ‘O Tuhan, Allah tuanku Ibrahim, di' maré peruan kuan lawéku ini.

PUDUT 32:11

Ui mutuh Namu muit negku rat bang palad kinanakku Esau. Ui matot neneh, kudeng ieh macing ngaté negku idi ngaté decur idi anak-anakdeh.

PUDUT 32:28

Kebala Lemulun ineh, “Na iko miak tetanen Yakub peh, iamo' Israil, ngaceku iko pangeh mangun kudeng aceh raca' pa kiung Allah, idi pa kiung lemulun pana', idi iko pangeh metueh.”

PUDUT 40:1

Muci ratnan ineh lun luk maré luk rupen kuan raca' Masir idi lun rayeh lun luk nganau' ruti nemaré ét niat kuan raca'.

PUDUT 40:2

Idi ieh pelaba useh nedidueh,

PUDUT 40:21

Idi raca' nengelubed lun rayeh lun luk maré luk rupen ineh kuan kekamenneh luk atun.

PUDUT 40:23

Idi na lun rayeh lun luk maré luk rupen ineh ngerawé Yusup, iamo' ieh nekelupan neneh.

PUDUT 41:9

Idi lun rayeh lun luk maré luk rupen ineh iné' ni raca', kebalaneh, “Bang aco sini ui ngamo sala'ku.

PUDUT 43:14

Idi do' Allah luk Melalud méi' nemuyuh pa kiung lun rayeh ineh, pad ieh maré kinanak muyuh luk baken ineh, idi Beniamin teh muli' maya' nemuyuh. Idi ratnan ui ini, kudeng anak-anakku metutu', aganeh mo'.”

INUL LUK KEDUEH 6:40

“Idi nekini, O Allahku, do' Iko nier negku idi ninger putuh sembayangku bang Ruma' ini.

ESRA 1:1

Bang lak luk pun-pun kareb imet Kores raca' Parsi, Tuhan nengegio niatneh pad ieh nengayud aceh surat uen lun maca' rayeh tang bang aput-aput imetneh, pelé ngacing bala Tuhan luk bida' Nabi Yeremia ineh.

ESRA 7:6

Idi Esra ineh seburur luk mileh ngelio ukum Musa luk pangeh biré Tuhan Allah lun Israil. Idi raca' nemaré kuanneh amung luk pianneh, ngaceku Tuhan Allahneh nengeperuan neneh. Idi Esra nenalan rat bawang Babil iné' Yerusalim,

NEHEMIA 1:6

Do' iko ngaten lalid idi matehMu, idi ninger sembayang demulunMu, luk sembayang pa kiungMu tebaco kedangan idi mutuh kuan demulunMu, lun pupu Israil, pad kai ngamo sala' kai Namu. Ngaceku amung uang tetek ruma' tepun kai pangeh menganau' sala'.

NEHEMIA 2:1

Kareb ineh ui ini lun rayeh lun luk nguit luk rupen kuan raca. Idi bang bulan Nisan bang lak luk kedueh ngepulu' bang imet Raca' Artasasta, kareb ieh kuman, idi ui nenguit abpa' anggur kuan raca' ineh. Idi kareb ui tuped pa kiungneh, ui pelaba dat niat.

NEHEMIA 2:8

idi aceh surat kuan Asap, lun luk nginita pulung raca', pad ieh maré kayuh ku atang tanga' su luk meraben iring Ruma' Allah, idi teh ku libung luk meraben déi' bawang Yerusalim, idi teh ku ruma'ku sebuleng.” Idi raca' nemaré luk pinutuhku, ngaceku Allahku nengedengan negku.

NANI UBUR 106:46

Ieh nenganau' pupu luk nenaban nedeh méi' nedeh.

NANI UBUR 130:2

Ninger tangi'ku, O Tuhan, idi ninger tawarku mutuh pedengan!

NANI UBUR 61:5

Iko pangeh neninger amung-amung jani'ku, O Allah, idi nemaré negku babpat lemulun luk ngerayeh Namu.

NANI UBUR 86:6

Ninger sembayangku O Tuhan; idi ninger tawarku mutuh pedengan.

BALE' 1:29

Na muyuh pian ku ileh, idi muyuh ara' matot inan Tuhan.

BALE' 21:1

Tuhan ngimet terawé raca', mepad kudeng Ieh nenganau' dalan abpa'.

YEREMIA 42:12

Ui miak méi' nemuyuh idi nganau' raca' Babil pana' méi' nemuyuh, pad ieh nima' nemuyuh muli'. Ui ini Tuhan pangeh nepebala.’

MALAKI 3:16

Idi lemulun luk matot inan Tuhan pebada' seburur dengan seburur, idi Tuhan neninger baladeh. Pa kiungNeh inan surat luk inan ngayud kekamen lemulun luk matot inan Tuhan idi luk ngerayeh Neneh.

IBERANI 13:18

Do' sembayang kuan kai. Kai merapet teruayen niat kai do', ngaceku kai megéi' pian nganau' luk matu.