NEHEMIA 1:10 - BALA LUK DO'

¹⁰ “O Tuhan ideh ineh demulunMu idi pupuMu, luk pangeh inuli'Mu ku laludMu luk rayeh idi ticu'Mu luk metueh.

NEHEMIA 1:10 Iomraidhean Croise

NANI UBUR 136:12

dengan tueh idi lalud ticu'Neh, idi awaNeh meruked;

NANI UBUR 74:2

Ngerawé pupuMu, luk pinili'Mu mangun ku babpatMu mon, luk inuli'Mu mangun ku pupuMu; ngerawé Pegkung Sion, su luk inanMu netudo!

NANI UBUR 89:14

Luk matu idi luk mesiri mangun ku tapin imetMu; bang amung-amung luk ruenMu Iko mawa idi lutep maya' jani'.

PURA' 13:14

Idi muci kareb anak muyuh ngitun nemuyuh, ‘Anunké ini?’ do' muyuh mada' nedeh, ‘Tuhan nenated nekai remuat rat bang bawang Masir rat su luk inan kai tiban ineh ku ticu' luk melalud.

PURA' 13:16

Nima' ini mangun ku tanu' luun ticu'mu idi ku tanu' siren luun madu'mu, ngaceku Tuhan pangeh nenated nekai remuat rat bang bawang Masir ku ticu' luk melalud.’ ”

PURA' 13:3

Idi kebala Musa nelun mula', “Ngerawé muyuh aco sini, ieh ineh aco luk inan muyuh mepura' rat Masir, rat su luk inan muyuh tiban. Dengan laludNeh Tuhan nguit nemuyuh mepura' rat ieni. Ruti luk pinuar ku lamud ineh na miak kenen.

PURA' 13:9

Nima' ini mangun mepad kudeng aceh tanu' luun ticu'mu, idi aceh terawé luun madu'mu — pad iko megéi' pebala ratnan ukum Tuhan — ngaceku dengan laludNeh, Tuhan pangeh nenguit namu remuat rat bang bawang Masir.

PURA' 15:13

Dengan awaMu Iko nguyut pupu luk pangeh inuli'Mu. Dengan tuehMu Iko nguyut nedeh macing inan su luk inanMu luk meligan.

PURA' 32:11

Iamo' kesembayang Musa pa kiung Tuhan Allahneh, “O Tuhan, ngudeh Iko ngacing useh kuan pupuMu luk pangeh inuitMu remuat rat bang bawang Masir dengan tueh idi laludMu?

PURA' 6:1

Kebala Tuhan ni Musa, “Nekini miak iko nier luk ruenKu kuan raca'. Dengan tueh laludKu Ui miak ngecuk raca' ngusu nedeh rat bawangneh.”

PURA' 6:6

Ngaceku ineh, mada' nelun Israil, ‘Ui ini Tuhan. Idi Ui sikal nguit nemuyuh remuat ratnan dereh lun Masir. Idi Ui miak muit nemuyuh ratnan tabandeh ineh. Idi Ui miak ngukum nedeh dengan lalud ticu'Ku ku dereh luk meluun rayeh, pad muyuh mepuit.

PURA' 6:7

Ui miak ngiding nemuyuh mangun ku pupuKu. Ui mangun ku Allah kuan muyuh, pad muyuh kali' Ui ini Tuhan Allah muyuh luk nemuit nemuyuh ratnan kekamen luk sinaad lun Masir.

YESAYA 64:9

Aleg Iko pelaba useh nekai, pad Iko ngerawé sala' kai macing ruked-ruked. Kai ini pupuMu, do' méi' nekai.

BADA' RATNAN UKUM 15:15

Idi do' iko ngerawé iko pana' lun tebarin atun bang bawang Masir, idi iko inuli' Tuhan Allahmu. Idi aco sini ui mada' dalan ini kuanmu.

BADA' RATNAN UKUM 9:29

Ngaceku ideh pupuMu, idi babpatMu luk pangeh inuitMu remuat ngaceku tueh idi laludMu luk rayeh.’