LUKAS 9:59 - BALA LUK DO'

⁵⁹ Idi kebala Yésus kuan seburur luk baken, “Do' maya' Negku.” Iamo' keburi' lemulun ineh, “O Tuhan, nima' negku amé' nanem tamanku atun.”

LUKAS 9:59 Iomraidhean Croise

RACA'-RACA' LUK PUN-PUN 19:20

Idi Elisa nenecan amung sapi' ineh, idi nupun maya' ni Elia, kebalaneh, “Nima' negku petabi' inan taman-tinanku atun. Pangeh ineh idi miak ui maya' namu.” Idi kebala Elia, “Amé' mo' iko, ngaceku na ui ngibpang namu.”

HAGAI 1:2

Idi kebala Tuhan luk Melalud, “Lemulun ini pebala, ini baken kareb luk petulu mudut Ruma' Allah baruh.”

MATIUS 16:24

Idi kebala Yésus kuan anak-anak sekola'Neh, “Idé-idé luk sikal maya' Negku, do' ieh na ngerawé bururneh sebuleng, iamo' maan salibneh idi maya' Negku.

MATIUS 6:33

Iamo' do' atun nakap ImetNeh dengan amung luk pianNeh; idi amung ineh miak barén Allah nemuyuh.

MATIUS 9:9

Yésus nenecan bawang ineh, idi kareb Ieh nenalan, Ieh nenier selemulun, ngadanneh Matius, luk tudo bang ruma' luk inan ngamung usin pupuk. Idi kebala Yésus neneh, “Do' maya' Negku.” Idi Matius netuped idi nemaya' Yésus.

LUKAS 9:60

Iamo' keburi' Yésus neneh, Nima' lun naté nanem lun dengandeh luk naté; iamo' iko ini amé' mada' Imet Allah.”