LUKAS 9:55 - BALA LUK DO'

⁵⁵ Iamo' Yésus nelumi idi nemebpeng nedidueh,

LUKAS 9:55 Iomraidhean Croise

SEMUIL LUK KEDUEH 19:22

Iamo' kebala Daud ni Abisai idi kinanakneh Yoab, “Na ui nengitun terawé medueh. Idi aco sini medueh mangun ku bunu'ku. Miakké seburur rat nelun Israil pitayen aco sini? Ngaceku nekini ui kali' ui mangun ku raca' pa luun amung lun Israil.”

AYUB 2:10

Idi kebala Ayub, “Mebacé bala mineh! Kareb Allah maré luk do' kuan tau, tau ngalap ineh. Ngudehké tau medureng kareb Ieh maré susa' kuan tau.” Bang amung-amung susa' ineh pana', Ayub na nengedat Allah.

AYUB 26:4

Idéké petulu ninger balamu ineh? Roh idéké luk nengecuk namu pebala kudeng ineh?

AYUB 42:6

idi ui migu' ngaceku amung luk bilaku, idi nekini ui uren tu-tu.

BALE' 9:8

Aleg mada' lemulun luk medita' niat, ngaceku ieh megateh niat namu. Iamo' kudeng iko mada' lemulun luk mileh ieh miak ngerayeh namu.

YEREMIA 17:9

“Idéké luk miak kali' niat lemulun? Ieh ineh luk naluk meluun ratnan luk anun-anun. Ieh mebura' ét, idi na miak uen ngedo'.

MATIUS 16:23

Iamo' Yésus nelumi, idi nepebala ni Pétrus, “Amé' pa ketedKu, O Sétan! Iko luk ngesabeng Negku, ngaceku iko baken ngerawé luk ratnan Allah, iamo' lu ratnan lemulun mo'.”

MATIUS 26:33

Idi kebala Pétrus Neneh, “Sagan pana' amung-amungdeh necan Namu, ui sebuleng na tu sikal necan Namu.”

MATIUS 26:41

Matar idi sembayang, pad muyuh na semuet bang tutun; sagan pana' niat muyuh geregan, iamo' burur muyuh melaya' peh.”

MATIUS 26:51

Idi sebuleng rat arang lun dengan Yésus nenatang ticu'neh idi nengangat pelapetneh, idi nenarad demulun Imam Rayeh, idi nemulu' lalidneh.

LUKAS 9:54

Kareb anak sekola'Neh Yakub idi Yahya nekali' ratnan ineh, idi kebala didueh, “O Tuhan, pianké Iko kai ngecuk apui temurun rat bang langit pad ngeseb nedeh?”

LUKAS 9:56

idi ideh nenalan iné' inan aceh bawang luk baken.

YAHYA 16:9

Ideh sala' terawé ratnan kekamen luk dat, ngaceku ideh na manu Negku.

YAKUB 3:10

Ratnan tang ineh teh remuat ubur-ubur idi kediman. Amung-amung luk kudeng ineh, O kinanak-kinanakku, na mayu.

1 PETRUS 3:9

Aleg muyuh ngua' dat dengan luk dat idi ngua' ngedat dengan ngedat, iamo' mutuh peruan, ngaceku ratnan luk kudeng ineh muyuh pangeh tinawar, pad muyuh galap peruan ku babpat muyuh.

BALA LUK LINIO 3:19

Idi tuda'-tuda' lemulun luk inanKu mawa Ui mada' idi ngukum nedeh. Ngaceku ineh do' mekél idi uren.