LUKAS 9:51 - BALA LUK DO'

⁵¹ Kareb Yésus malé uen ngikit amé' surga, idi Ieh nenalan petacu iné' Yerusalim.

LUKAS 9:51 Iomraidhean Croise

RACA'-RACA' LUK KEDUEH 2:11

Idi laba' didueh nalan idi pegayam-pegayam denak-denak aceh keréta luk kudeng apui ngatad seburur ratnan seburur. Idi kudeng ini lawé Elia nekemikit maya' libuleh bui iné' surga.

MARKUS 16:19

Kareb Tuhan Yésus pangeh nepebala nedeh, idi Ieh nekemikit iné' surga idi netudo pa tinueh Allah.

LUKAS 12:50

Ui na miak na rerebpen dengan aceh rereb, idi kudeng apehké susa' niatKu kareb nateh rereb ineh mangun!

LUKAS 13:22

Yésus nenalan lemaba tuda'-tuda' bawang idi ruma;, idi nemada' lemulun idi ngetacu lawéNeh amé' Yerusalim.

LUKAS 17:11

Kareb Yésus nenalan amé' Yerusalim, Ieh nelemaba arang Samaria idi Galilia.

LUKAS 18:31

Idi Yésus nenguit pulu' dueh anak sekola' ineh, idi nepebala nedeh, “Nekini tau amé' déi' Yerusalim, idi amung-amung luk inayud nabi-nabi miak uen ngacing kuan Anak-Lemulun.

LUKAS 19:11

Kareb lun mula' neninger bala ineh, idi Ieh nemada' aceh luk pinginud teh. Ieh pangeh muneng ku Yerusalim, idi bang terawé lun mula' Imet Allah miak siren kareb aco sineh teh.

LUKAS 19:28

Kareb Yésus pangeh nepebala kudeng ineh, idi Ieh nenalan atun amé' Yerusalim.

LUKAS 24:51

Uned Ieh nengeperuan nedeh, idi Ieh nepatad rat nedeh, idi Ieh nekemikit umak iné' surga.

LUKAS 9:57

Uned ideh nalan, idi seburur lemulun nepebala Neneh, “Ui sikal maya' Namu pad iapeh luk suetMu.”

YAHYA 13:1

Bang aco luk atun ratnan Irau Paska ineh, idi Yésus nekali' ratnan karebNeh pangeh nacing luk inanNeh necan tana' ini amé' inan Taman. Ieh pangeh mawa inan uang tana' ini, idi Ieh mawa nedeh macing kekipedneh.

YAHYA 16:28

Ui nacing ratnan Taman, idi nesemuet bang tana' ini; iamo' nekini Ui sikal necan tana' ini teh idi amé' inan Taman.”

YAHYA 16:5

Iamo' nekini Ui amé' inan Allah luk nengecuk Negku, sagan pana' seburur rat arang muyuh na ngitun Negku, ‘Su apehké ulekMu?’

YAHYA 17:11

Idi nekini Ui amé' Namu. Na Ui tudo bang tana' ini teh, iamo' ideh tudo bang tana' ini. O Ama' luk meligan! Ngasa' nedeh ku lalud ngadanMu luk biréMu Negku, pad ideh mangun ku sebuleng mepad kudeng Kiteh.

YAHYA 6:62

Kudeng apehké kareb muyuh nier Anak-Lemulun umak amé' su luk inanNeh atun?

KEKAMEN RASUL-RASUL 1:2

pad macing aco Ieh kinikit iné' surga. Kareb nateh Ieh kinikit, dengan lalud Roh Meligan Ieh nemada' rasul-rasul luk pangeh pinili'Neh.

KEKAMEN RASUL-RASUL 1:9

Idi pangeh Ieh nepebala kudeng ineh, idi Ieh ilap peh laba' ideh nier Neneh, idi aceh laput nengelinged Neneh rat pa kiungdeh.

EPESUS 1:20

luk pikai Neh, kareb Ieh nenui Keristus rat arang lun naté, idi nengetudo Neneh pa tinuehNeh déi' surga.

PILIPI 3:14

Ui upun-upun amé' inan tanu' luk matun tabpar, ieh ineh tawar Allah luk déi' dita' bang Keristus Yésus.

1 TIMOTIUS 3:16

Idi rayehneh luk inalum ineh ratnan baya' tau na miak belén. Ieh pangeh linigan bang burur lemulun, idi inau' matu ratnan Roh, idi ginala' kuan melaikat-melaikat. Ieh bida' arang amung-amung pupu, idi inan merapet bang tana', idi inuit umak dengan rayeh.

IBERANI 12:2

Do' tau nier Yésus, luk nenganau' idi luk neriput anu tau. Ieh pana' ngaceku awang luk litep kuanNeh pangeh netuman ratnan dereh salib, dengan na ngerawé igu'Neh, idi Ieh tudo pa tinueh kerusi Allah.

IBERANI 6:20

su luk inan Yésus pangeh nesemuet ngaceku tau, mangun ku Luk Atun ineh, ngaceku Ieh pana' pangeh mangun ku Imam Rayeh ruked-ruked maya' adat Melkisedek.

1 PETRUS 3:22

luk pangeh numak iné' surga, idi tudo pa tinueh Allah, idi amung-amung melaikat idi lalud idi luk ngimet pana' inau' mebeneh rat Neneh.