LUKAS 9:48 - BALA LUK DO'

⁴⁸ kebalaNeh nedeh, “Idé-idé luk nganak anak luk isuut ini bang ngadanKu, ieh ineh nganak Negku; idi idé-idé luk nganak Negku, ieh ineh nganak Neneh luk nengecuk Negku. Ngaceku luk pelaba isuut rat arang amung-amung muyuh, ieh ineh luk meluun rayeh.”

LUKAS 9:48 Iomraidhean Croise

BALE' 18:12

Lemulun luk mebeneh niat mo' miak buren. Lemulun luk medita' niat ngacing susa' kuan bururneh sebuleng.

MATIUS 18:10

“Matar do'-do' idi aleg muyuh ngedat sebuleng rat arang anak-anak luk isuut ini; ngaceku Ui pebala nemuyuh, déi' bang surga melaikat-melaikatdeh nier kidi-kidi kiung TamanKu luk bang surga.

MATIUS 18:14

Kudeng ineh teh TamanKu luk bang surga, baken pianNeh sebuleng pana' rat arang anak-anak isuut ini metutu' peh.

MATIUS 19:28

Kebala Yésus nedeh, “Ui pebala nemuyuh: idi bang Imet luk mebaruh, kareb Anak-Lemulun tudo luun kerusi rayehNeh, muyuh pana' luk pangeh nemaya' Negku miak tudo luun pulu' dueh kerusi, idi ngukum pulu' dueh babpat pupu lun Israil.

MATIUS 25:40

Idi Raca' ineh sikal ngor, kebalaNeh, ‘Ui pebala nemuyuh, ngaceku muyuh nenganau' kudeng ini kuan seburur kinanakKu lun dat, ieh ineh luk inau' kuanKu teh.’

MATIUS 25:45

Idi Raca' ineh sikal ngor baladeh, keburi'Neh, ‘Setuneh, Ui pebala nemuyuh, ngaceku muyuh na nenganau' kudeng ini kuan seburur kinanakKu lun dat, muyuh na nenganau' kuanKu teh.’

MARKUS 9:37

“Idé-idé luk nganak seburur anak luk isuut mepad kudeng anak ini bang ngadanKu, idi ieh luk nganak Negku; idi idé-idé luk nganak Negku ini, setuneh baken ieh nganak Negku iamo' Ieh luk pangeh nengecuk Negku.”

LUKAS 10:16

Idi Yésus nepebala kuan anak-anak sekola'Neh, “Lemulun luk neninger nemuyuh, ieh ineh ninger Negku, idi lemulun luk nala' nemuyuh, ieh ineh nala' Negku, idi lemulun luk nala' Negku, ieh ineh nala' Neneh luk nengecuk Negku.”

LUKAS 14:11

Ngaceku anid-anid lemulun luk ngedita' bururneh, ieh ineh miak uen ngebeneh, idi lemulun luk ngebeneh bururneh miak uen ngedita'.”

LUKAS 22:26

Iamo' aleg muyuh ini kudeng ineh. Luk meluun rayeh arang muyuh, do' ieh mangun kudeng luk meluun mangud, idi luk ngimet, do' ieh mangun kudeng lemulun luk ngasa'.

LUKAS 22:30

Muyuh miak kuman idi ngirup luun sebuleng téng denganKu bang ImetKu, idi muyuh miak tudo luun kerusi idi ngukum pulu' dueh babpat pupu Israil.

LUKAS 7:28

Ui pebala nemuyuh, idi rat arang amung-amung lemulun luk tinganak ratnan decur, na luk idi seburur pana' luk meluun rayeh ratnan Yahya, iamo' luk isuut tu bang Imet Allah, ieh ineh luk meluun rayeh rat neneh.”

YAHYA 13:20

Matu, Ui pebala nemuyuh luk ngalap lemulun luk icukKu, ieh ngalap Negku; iamo' lemulun luk ngalap Negku, ieh ngalap Allah luk nengecuk Negku.”

YAHYA 14:21

“Kudeng idé-idé luk gimet idi maya' amung ukumKu, ieh ineh luk mawa Negku. Idi lemulun luk mawa Negku, idi Taman pana' mawa neneh, idi Ui teh mawa neneh idi ngegala' bururKu kuanneh.”

1 TESALONIKA 4:8

Ngaceku ineh lemulun luk ngarung bada' ini, baken ieh ngarung lemulun, iamo' Allah luk maré RohNeh luk meligan kuan muyuh.

1 PETRUS 5:6

Ngaceku ineh do' muyuh ngebeneh burur muyuh pa liang ticu' Allah luk meluun melalud ineh, pad Ieh ngedita' nemuyuh bang karebNeh.

BALA LUK LINIO 21:14

Ar bawang ineh pinudut luun pulu' dueh batu, idi pangeh inarit luun batu ineh ngadan pulu' dueh rasul Anak Dumba ineh.

BALA LUK LINIO 3:21

Ui maré lemulun luk metueh, tudo denganKu luun kerusiKu, mepad kudeng Ui pana' pangeh metueh idi tudo dengan TamanKu luun kerusiNeh.