LUKAS 9:44 - BALA LUK DO'

⁴⁴ “Aleg kelupan luk belénKu nemuyuh, ngaceku Anak-Lemulun miak barén bang palad lemulun.”

LUKAS 9:44 Iomraidhean Croise

SEMUIL LUK KEDUEH 24:14

Idi kebala Daud ni Gad, “Ui pelaba gagau. Do' tau mebpeh bang palad Tuhan, ngaceku katuNeh pelaba rayeh. Iamo' aleg ui mebpeh bang palad lemulun.”

MATIUS 16:21

Rat kareb ineh, Yésus nengimun mada' kuan anak-anak sekola'Neh, kebalaNeh, “Na miak na Ui amé' déi' Yerusalim, idi mabeh mula' dereh ratnan lun rayeh, idi ratnan imam-imam rayeh idi guru-guru Ukum, pad Ui pitayen teh, idi aco luk keteluh Ui miak tuyen teh.”

MATIUS 26:2

“Muyuh kali', kareb pangeh dueh aco, inan Irau Paska idi Anak-Lemulun barén pad Ieh uen nalib.”

MARKUS 8:31

Idi Yésus nengimun mada' anak-anak sekola'Neh: “Na miak na Anak-Lemulun mabeh mula' dereh, pad Ieh talan lun rayeh-rayeh, imam-imam rayeh, idi guru-guru Ukum teh. Ieh miak pitayendeh, idi pangeh teluh aco, Ieh miak tumui teh.”

MARKUS 9:31

ngaceku Ieh uned mada' anak-anak sekola'Neh, kebalaNeh, “Anak-Lemulun barén bang palad lemulun, idi lemulun miak ngaté Neneh. Kareb Ieh pitayendeh, idi pangeh teluh aco, idi Ieh miak tumui teh.”

LUKAS 1:66

Idi amung lemulun luk neninger ineh nengerawé idi nengitun, kebaladeh, “Anunké miak mangun kuan anak ini?” Ngaceku lalud Tuhan idi neneh.

LUKAS 18:31

Idi Yésus nenguit pulu' dueh anak sekola' ineh, idi nepebala nedeh, “Nekini tau amé' déi' Yerusalim, idi amung-amung luk inayud nabi-nabi miak uen ngacing kuan Anak-Lemulun.

LUKAS 2:19

Iamo' Mariam nengerawé amung bala ini bang niatneh.

LUKAS 2:51

Idi Yésus nemaya' nedidueh nuli' iné' Nasarét. Idi Ieh nemaya' bala didueh. Idi tinanNeh nenganug amung ineh bang niatneh.

LUKAS 24:44

Idi Ieh nepebala kuandeh, “Ini balaKu luk pangeh bilaKu kuan muyuh kareb Ui idi dengan muyuh atun, idi na miak na uen ngacing amung-amung luk pangeh inayud ratnan bururKu rat bang Ukum Musa, surat nabi-nabi, idi Nani Ubur ineh teh.”

LUKAS 9:22

keburi'Neh, “Anak-Lemulun na miak na mabeh mula' dereh, idi talan lun rayeh-rayeh, imam-imam rayeh, idi guru-guru Ukum, pad Ieh pitayen. Idi aco luk keteluh Ieh miak tuyen teh.”

YAHYA 16:31

Kebala Yésus nedeh, “Manuké muyuh nekini?

YAHYA 16:4

Iamo' Ui pangeh nemala amung ini kuan muyuh, pad kareb ini macing muyuh miak ngerawé, idi amung ineh pangeh bilaKu nemuyuh. “Idi na Ui mala amung-amung ini kuan muyuh rat pun-pun, ngaceku Ui tudo dengan muyuh.

YAHYA 19:11

Idi kebala Yésus neneh, “Iko na melalud pa luunKu, kudeng na biré namu ratnan Allah. Ngaceku ineh lemulun luk nemaré Negku kuanmu meluun rayeh sala'.”

KEKAMEN RASUL-RASUL 2:23

Allah, maya' pian idi ilehNeh sebuleng, pangeh nemutut ratnan Yésus barén bang palad muyuh. Idi muyuh nengaté Neneh kareb muyuh nenima' lemulun luk dat nalib Neneh.

IBERANI 2:1

Ineh punneh petulu tau ngerawé ratnan amung-amung luk pangeh pindenger ineh, pad tau na miak uen ngeraruh.