LUKAS 9:41 - BALA LUK DO'

⁴¹ Idi kebala Yésus, “O inul luk na manu idi luk neraruh ini. Tuda' ioké Ui tudo dengan muyuh idi mekadang niat nemuyuh? Do' nguit anakmu ineh amé' tungé'.”

LUKAS 9:41 Iomraidhean Croise

RACA'-RACA' LUK KEDUEH 5:8

Kareb Nabi Elisa neninger bala ineh, idi ieh nengecuk nelun amé' mada' raca' kudeng ini, “Anun punneh iko nenarak ayungmu? Ngecuk lun ineh amé' negku, pad ieh kali' inan nabi arang lun Israil!”

NANI UBUR 78:8

Pad ideh na kudeng tepundeh, idi kudeng lemulun luk ngilang idi luk na maya', idi rapetdeh inan Allah na meraben, idi na lutep maya' Neneh.

PURA' 10:3

Musa idi Arun iné' papu' raca', idi kebala didueh neneh, “Kebala Tuhan Allah lun Iberani, ‘Tuda' io teh iko ara' maya' bala Allah. Nima' pupuKu ini nalan idi sembayang Negku.

PURA' 16:28

Idi kebala Tuhan ni Musa, “Tuda' io muyuh na maya' balaKu?

YEREMIA 4:14

O Yerusalim, maru' sala' luk bang niatmu, pad iko miak uen ngulun. Tuda' io iko ngerawé luk dat baruh teh?

IAP 14:11

Idi kebala Tuhan ni Musa, “Tuda' ioké pupu ini ngedat Negku? Tuda' io teh ideh na maya' Negku, sagan tu pana' inan mula' tanu' luk inau'Ku arangdeh?

IAP 14:27

“Tuda' ioké pupu luk dat ini tekedamut Negku? Idi amung dureng lun Israil Negku Ui pangeh kali'.

MATIUS 11:28

“Amé' Negku, amung-amung muyuh luk ngakem idi luk mabeh luk meberat, idi Ui ngato erur muyuh.

MATIUS 12:39

Iamo' kebala Yésus, “Inul luk dat idi luk na lutep nakap aceh tanu', iamo' na tanu' barén nedeh, iamo' tanu' Nabi Yunus mo'.

MATIUS 12:45

Idi ieh amé' ngalap tudu' ada' luk baken teh denganneh, ieh ineh luk meluun dat ratnan ieh, idi ideh semuet idi tudo déi' idi ratnan lemulun luk sinuet ineh, kekipedneh mangun meluun dat ratnan luk pun-pun. Kudeng ineh teh luk mangun muci kuan inul luk dat ini.”

MATIUS 16:4

Inul luk dat idi luk na lutep nakap aceh tanu', iamo' na tanu' barén nedeh, iamo' tanu' Nabi Yunus mo'.” Idi Yésus nenecan nedeh idi nalan.

MATIUS 17:17

Kebala Yésus, “O inul luk na manu idi luk neraruh ini, tuda' ioké Ui tudo dengan muyuh? Tuda' ioké Ui mekadang niat nemuyuh? Do' nguit neneh amé' Negku.”

MATIUS 23:36

Matu, Ui pebala nemuyuh, amung ukum ini miak macing kuan inul ini.

MATIUS 3:7

Kareb Yahya nenier nelun Parisi idi Saduki amé' mutuh rerebpen, keburi'neh nedeh, “O muyuh menipeh, idéké luk nemada' nemuyuh ratnan muyuh miak uen ngulun ratnan useh Allah luk macing?

MARKUS 10:14

Kareb Yésus nekali' ratnan ineh, idi Ieh museh, kebalaNeh, “Nima' anak-anak luk isuut amé' Negku, idi aleg mebpeng nedeh, ngaceku lemulun luk kudeng ini luk kuan Imet Allah.

MARKUS 10:49

Idi Yésus nugka', kebalaNeh, “Nawar neneh.” Idi ideh nenawar lun mebuser ineh, keburi'deh, “Do' iko mawang niat idi tumui. Ieh nawar namu.”

MARKUS 9:19

Kebala Yésus nedeh, “O inul luk na manu! Tuda' ioké Ui tudo dengan muyuh? Tuda' ioké Ui mekadang niat kuan muyuh? Do' nguit neneh amé' Negku.”

LUKAS 8:25

Idi keburi'Neh nan anak-anak sekola'Neh, “Iapehké anu muyuh?” Iamo' ideh mawa idi matot, kebaladeh seburur dengan seburur, “Idéké lemulun ini luk mebpeng barui idi ribut, pad ideh maya' balaNeh?”

LUKAS 9:40

Idi ui nemutuh anak-anak sekola'Mu nala' ada' ineh, iamo' na ideh miak nala' neneh.”

LUKAS 9:42

Laba' anak adi' ineh nalan-nalan, idi ada' ineh nengeluka' neneh luun tana' idi nengurat neneh. Iamo' Yésus nemebpeng ada' ineh, idi nengedo' anak ineh, idi nemaré neneh lemubed kuan tamanneh.

YAHYA 14:9

Idi kebala Yésus neneh, “O Pilipus, tuda'-tuda' io Ui tudo dengan muyuh, idi nateh iko miti Negku? Lemulun luk pangeh nenier Negku, ieh pangeh nenier Taman teh. Kudeng apehké balamu, ‘Mada' Taman ineh siren kai’?

YAHYA 20:27

Idi Ieh nepebala ni Tomas, “Ngerareng bua' ticu'mu su ini idi nier paladKu, idi natang ticu'mu idi ngerareng neneh bang sigarangKu, idi aleg iko merapang, iamo' manu.”

KEKAMEN RASUL-RASUL 13:18

Idi ruked apat ngepulu' lak Ieh mulai niat nedeh déi' su luk ali-ali.

KEKAMEN RASUL-RASUL 2:40

Idi Pétrus nengubuk nedeh idi nemada' nedeh dengan mula' bala luk baken, keburi'neh, “Ngulun burur muyuh ratnan ukum luk macing kuan pupu luk tekilu' ini!”

SURAT LUK BIRE PAULUS KUAN LUN RUM 2:4

Idi inanké iko ngebeneh katuNeh luk rayeh idi ulai niatNeh idi kadang niatNeh? Naké iko kali' ratnan katu Allah ineh ngeruid namu pad iko uren?

BADA' RATNAN UKUM 32:5

Muyuh nganau' luk tekilu' pa kiungNeh, muyuh na mayu mangun ku pupuNeh, muyuh aceh inul luk tekilu' idi neraruh.

IBERANI 3:19

Idi tau kali' nedeh na miak semuet ngaceku na manu.

IBERANI 4:11

Ngaceku ineh, do' tau ngekél burur tau semuet bang luk inan Allah ucu' ineh, pad seburur pana' na miak mebpeh, mepad kudeng ideh luk nengelaba ukum.

IBERANI 4:2

Ngaceku Bala luk Do' pangeh bida' kuan tau, mepad kudeng ideh ineh teh; iamo' bada' luk pindenger ineh na miak ngacing peruan kuandeh, ngaceku na ieh dinengan ratnan anu kuan lemulun luk ninger ineh.

IBERANI 7:25

Idi Ieh melalud ngulun idi ngeligan amung-amung lemulun luk amé' matun Allah lemaba Neneh, ngaceku Ieh megéi' mulun idi mutuh ngaceku ideh.