LUKAS 9:4 - BALA LUK DO'

⁴ Idi ruma' iapeh luk inan muyuh semuet, do' tudo déi', idi rat déi' muyuh remuat teh.

LUKAS 9:4 Iomraidhean Croise

MATIUS 10:11

“Kareb muyuh semuet bang bawang idi bang ruma' iapeh-iapeh pana', do' muyuh nakap lemulun luk do' niat; idi mudeng dengandeh pad muyuh nalan.

MARKUS 6:10

Idi kebalaNeh nedeh, “Kareb muyuh darin umak, do' muyuh tudo su ineh, pad macing muyuh remuat rat bang bawang ineh.

LUKAS 9:3

KebalaNeh nedeh, “Aleg muyuh nguit anun-anun kareb muyuh nalan; rukud pana' na, luk inan balu' pana' na, ruti pana' na, usin pana' na, kuyu' luk dueh pana' na.

LUKAS 9:5

Idi iapeh-iapeh lemulun na sikal nganak nemuyuh, do' muyuh nalan rat bang bawang ineh, idi ngegkar abuh ratnan kukud muyuh, mangun ku aceh bada' kuandeh.”

KEKAMEN RASUL-RASUL 16:15

Ieh pangeh rireb dengan amung uang tetek ruma'neh. Idi ieh nemutuh nekai, keburi'neh, “Kudeng muyuh ngerawé ui ini manu inan Tuhan, amé' muyuh tudo bang ruma'ku.” Idi ieh mesaad nenawar nekai.