LUKAS 9:39 - BALA LUK DO'

³⁹ Idi inan sebuleng ada' luk semuet bang bururneh, idi denak-denak ieh ngitang, idi ada' ineh ngeluka' neneh pad tangneh melapa', idi teh ieh ngurat bururneh. Idi ada' ineh na pian buro rat neneh.

LUKAS 9:39 Iomraidhean Croise

MARKUS 9:18

Idi iapeh-iapeh luk inan ada' ineh semuet neneh, idi ieh ngeluka' neneh; idi tangneh melapa' idi lipenneh pekatep, idi ieh kukeng. Idi ui pangeh nemutuh anak-anak sekola'Mu nala' ada' ineh, iamo' na ideh miak.”

MARKUS 9:20

Idi ideh nenguit anak ineh iné' Neneh. Kareb ada' ineh nekali' Yésus, idi petacu ieh nengeluka' anak ineh, pad ieh nebpeh luun tana' idi rier-rier dengan tangneh melapa' teh.

MARKUS 9:26

Idi ada' ineh nengeluka' neneh teh, idi neremuat. Idi anak ineh mepad kudeng butung, pad lun mula' ineh nepebala, “Ieh naté.”

LUKAS 4:35

Idi Yésus nemebpeng neneh, kebalaNeh, “Pirud! Remuat iko ratnan lemulun ini!” Idi ada' ineh pana' nengeluka' neneh arang lemulun luk mula' ineh, idi ada' ineh neremuat rat bang bururneh dengan na nenganau' luk métneh.

LUKAS 8:29

Ieh nepebala kudeng ineh ngaceku Yésus nengecuk ada' ineh remuat rat bang bururneh. Mula' kua' ada' ineh nengimet neneh; idi sagan tu pana' ieh pinatar lemulun, pad ieh kiling idi pipang; iamo' amung-amung kaling ineh nabud pinututneh, idi ieh pinasut ada' amé' su luk ali-ali.

LUKAS 9:38

Rat arang lun mula' ineh inan seburur lemulun nengitang, keburi'neh, “O Guru, ui mutuh Namu amé' nier anakku luk deléi; ngaceku ieh luk anak bulengku.

LUKAS 9:40

Idi ui nemutuh anak-anak sekola'Mu nala' ada' ineh, iamo' na ideh miak nala' neneh.”

YAHYA 8:44

Taman muyuh, ieh ineh Iblis, idi muyuh sikal maya' pian taman muyuh. Rat pun-pun Iblis, ieh ineh lun ngaté, idi na ieh tudo bang luk matu, ngaceku na luk matu bang neneh. Kareb ieh mebalih idi ieh pebala maya' ayuneh sebuleng, ngaceku ieh luk mebalih ineh taman amung-amung balih.

1 PETRUS 5:8

DO' muyuh ngerawé, idi matar do'-do'! Iblis luk bunu' muyuh ineh, mepad kudeng balang luk ngeku luk nalan-nalan nakap idé luk miak kenenneh.

BALA LUK LINIO 9:11

Idi raca'deh, ieh ineh melaikat lubang luk na miak teriin kidalemneh ineh. Ngadanneh bang buri' lun Iberani, Abadon, idi bang buri Grika, ngadanneh Apolion, (ilungneh “Luk Ngaté”).