LUKAS 9:38 - BALA LUK DO'

³⁸ Rat arang lun mula' ineh inan seburur lemulun nengitang, keburi'neh, “O Guru, ui mutuh Namu amé' nier anakku luk deléi; ngaceku ieh luk anak bulengku.

LUKAS 9:38 Iomraidhean Croise

PUDUT 44:20

Idi kebala kai namu, ‘Inan teh taman kai luk pangeh mengered, idi sebuleng anak deléi luk isuut, luk pangeh ininulneh kareb ieh mengered teh. Idi kinanakneh luk rayeh pangeh naté, idi ieh sebuleng mo' luk ketecan ratnan sebuleng tinan. Idi tamanneh mawa neneh.’

SEKARIA 12:10

“Ui miak ngutang kuan inul Daud idi kuan lun Yerusalim Roh éi' idi Roh sembayang. Idi ideh miak nier Neneh luk pangeh tibpekdeh. Idi ideh temido Neneh, mepad kudeng lemulun luk temido anak buleng. Ideh miak temido dengan pelaba susa' niat, mepad kudeng lemulun temido anak deléideh luk atun.

MATIUS 15:22

Idi seburur decur lun Kanaani iné' ratnan babpat tana' ineh idi nengitang, keburi'neh, “O Tuhan, O Anak Daud, méi' negku; ngaceku anakku luk decur pelaba dereh ngaceku ieh sinuet ada'.”

LUKAS 7:12

Kareb Ieh macing nan tanga' bawang ineh idi inan lun mirir lungun. Idi lun luk naté ineh anak buleng. Idi tinanneh tinula'. Idi mula' lun bang bawang ineh nemaya' neneh.

LUKAS 9:37

Kenebpa ideh netemurun rat luun pegkung ineh, idi mula' lemulun nacing papu' Yésus.

LUKAS 9:39

Idi inan sebuleng ada' luk semuet bang bururneh, idi denak-denak ieh ngitang, idi ada' ineh ngeluka' neneh pad tangneh melapa', idi teh ieh ngurat bururneh. Idi ada' ineh na pian buro rat neneh.

YAHYA 4:47

Kareb ieh neninger ratnan Yésus pangeh nacing rat tana' Yudia amé' Galilia, idi ieh iné' papu' Yésus, idi nemutuh Neneh amé' ngedo' anakneh luk lélé maté.